90ના દશકમાં ધૂમ મચાવનારી Sanrto કાર ફરીથી એક વખત વાપસી કરી રહી છે.
જ્યારથી આ કારની વાપસીના સમાચાર માર્કેટમાં આવ્યા છે ઓટોમોબાઇલ સેક્ટરમાં ચારે બાજુ માત્ર આ કારની જ ચર્ચા થઇ રહી છે. કિંમત હોય કે લોન્ચિંગ તારીખ આ કાર માટે લોકોને લગભગ બધી ખબર જ છે. ઓક્ટોબરમાં આ કારનું લોન્ચિંગ થવાનું છે એ પહેલા આ કારની ટેક્નિકલ ડીટેલ્સ માર્કેટમાં લીક થઇ ચૂકી છે. તો તમે પણ જાણવા ઇચ્છો છો તમારી ફેવરિટ કાર માટે તો જણાવીએ.
26 ઓક્ટોબર 2018એ ભારતમાં નવી હુન્ડાઇ સેન્ટ્રો લોન્ચ થઇ જશે. કંપની દ્વારા જારી કરવામાં આવેલા સ્કેચ જોઇને જાણી શકાય છે કે આ આવનાર 2018 હુન્ડાઇ સેન્ટ્રો હોઇ શકે છે. હુંડાઇ સેન્ટ્રોને કુલ 5 વેરિએન્ટમાં ઊતારવામાં આવશે. જેમાં એરા મેગ્ના સ્પોર્ટ્સ સ્પોર્ટ્સ (0) અને એસ્ટાનો સમાવેશ થાય છે.
નવી અપકમિંગ સેન્ટ્રોમાં બિલકુલ નવી 1.1 લીટર ફોર સિલિન્ડર પેટ્રોલ એન્જીન આપવામાં આવશે. આ એન્જીનને 5 સ્પીડ મેન્યુઅલ ગિયરબોક્સ ટ્રાન્સમિશનથી લેસ કરવામાં આવ્યું છે. આ ઉપરાંત એમાં 5 સ્પીડ એએમટી ગિયરબોક્સનો પણ વિકલ્પ હશે. સેન્ટ્રો હુન્ડાઇની પહેલી કાર હશે જેમાં AMT વિકલ્પ મળશે.
નવી સેન્ટ્રોમાં સ્ટાન્ડર્ડ સેફ્ટી ફીચર્સ તરીકે એબીએસ અને ઇબીડી આપવામાં આવશે. તો ડુઅલ એરબેગ મેગ્ના ટ્રિમથી શરૂ થશે. મેગ્ના વેરિએન્ટ હુન્ડાઇ સેન્ટ્રોમાં સ્ટીયરિંગ માઉન્ટેડ ઓડિયો કંટ્રોલ આપવામાં આવી શકે છે.
આ ઉપરાંત હન્ડાઇ સેન્ટ્રોમાં સેગમેન્ટ ફર્સ્ટ ફીચર્સ તરીકે એમાં પાછળના પેસેન્જર્સ માટે અલગથી એસી વેન્ટ્સ અને 5 ઇંચનું ઇન્ફોટેનમેન્ટ સિસ્ટમ આપવામાં આવશે જે એપલ કારપ્લે અને એન્ડ્રોઇડ ઓટોને સપોર્ટ કરે છે.