અમદાવાદના પોશ વિસ્તાર ગણાતા સેટેલાઈટમાં મહિલા વકીલની છેડતીનો બનાવ સામે આવ્યો છે. આરોપી યુવકે લવ લેટરમાં અભદ્ર ભાષા લઈને મહિલાની છેડતી કરી હતી. જેથી મહિલાએ તેની સામે પોલીસમાં ફરિયાદ નોંધાવી છે.
અમદાવાદમાં મહિલા એડ્વોકેટની છેડતી
પાડોશીએ અભદ્ર ભાષામાં લવ લેટર લખીને કરી છેડતી
મહિલાએ સેટેલાઈટ પોલીસ સ્ટેશનમાં નોંધાવી ફરિયાદ
મેગાસીટી અમદાવાદમાં હવે દિવસેને દિવસે મહિલાઓની સુરક્ષાને લઈને સવાલો ઉભા થઈ રહ્યા છે. ખાસ કરીને શહેરમાં મહિલાઓની છેડતીને લઈને ઘણા સવાલો ઉભા થઈ રહ્યા છે. ત્યારે વધુમાં ફરી સેટેલાઈટ વિસ્તારમાં એક છેડતીનો બનાવ સામે આવ્યો છે. સાંભળીને આપને નવાઈ લાગશે કે પાડોશી યુવકેજ મહિલા એડેવોકેટની છેડતી કરી હતી.
લવ લેટર લખીને છેડતી કરી
ભોગ બનનાર યુવતીએ સમગ્ર મામલે તેની સાથે છેડતી થઈ હોવાની ફરિયાદ નોંધાવી છે. જેમા તેણે ફરિયાદમાં એવો ઉલ્લેખ કર્યો છે કે તેની પાડોશમાં રહેતા યુવક સિદ્ધાર્થ ઉર્ફે રિન્કુએ તેની છેડતી કર્યાનો આક્ષેપ લગાડ્યો છે. છેડતીખોર યુવક મહિલા એડવોકેટને લવ લેટર લખીને તેને હેરાન પરેશાન કરતો હતો. જેથી કંટાળીને ભોગ બનનારી યુવતીએ તેની વિરુદ્ધ ફરિયાદ નોંધાવી હતી.
લવ-લેટરના નામે અભદ્રતા
એડવોકેટ યુવતીએ પોતાને મળેલા લવ લેટરની વિશે જણાવ્યું કે, છેડતીખોર યુવકે લેટરમાં અભદ્રભાષા લખી હતી. અવારનવાર આરોપી યુવક તેને હેરાન કરતો હતો. જે મામલે તેને સોસાયટીના ચેરમેનને વાત કરી હતી. ચેરમેન જ્યારે છેડતીખોર યુવક સાથે વાત કરવા ગઈ. ત્યારે તેણે ચેરમેનને એવો જવાબ આપ્યો કે, તમારાથી થાય એ કરી લેજો તમે મારુ કંઈ બગાડી શકશો નહીં.
બાકડે બેસી મહિલાઓને કરે છે હેરાન
વધુંમાં સોસાયટીની મહિલા ચેરમેને એ વાતનો પણ ઉલ્લેખ કર્યો છે. કે છેડતીખોર યુવક સોસાયટીના બાકડે બેસીને મહિલાઓને હેરાન કરતો હોય છે. સાથેજ તે ઘરમાં પણ નિવસ્ત્ર થઈને ફરતો હોય છે. જેથી સોસાયટીની મહિલાએ તેના ઘરની આસપાસ જતા પણ શરમમાં મુકાઈ જાય છે. તેને અવાર નવાર ટોકવામાં આવ્યો તેમ છતા તે તેનું વર્તન સુધારી નથી રહ્યો
છેડતીખોરે માતાને ઘરની બહાર કાઢી મૂકી
ઉલ્લેખનીય છે કે સોસાયટીની મહિલા ચેરમેનનું કહેવું છે કે છેડતીખોર યુવકે તેની માતાને પણ ઘરની બહાર કાઢી મુકી છે. સાથેજ તેની સામે અગાઉ તેની માતાએ પણ સેટેલાઈટ પોલીસ સ્ટેશનમાં ફરિયાદ નોંધાવી છે. ઉપરાંત તે લોકોને એવું કહેતો ફરે છે કે તે બહુજન સમાજ પાર્ટીનો સભ્ય છે. જેથી તેનું કોઈ કશું નહી બગાડી શકે. સમગ્ર મામલે હાલ તો પોલીસે ફરિયાદ નોંધીને છેડતીખોર યુવકની અટકાયત કરી લીધી છે.