કપિલ દેવ, અંશુમન ગાયકવાડ અને શાંથા રંગાસામીના આગેવાનીમાં ક્રિકેટ એડવાઝરી કમિટી (CAC) ટીમ ઇન્ડિયાના હેડ કોચ માટે મુંબઇમાં ભારતીય ક્રિકેટ કંટ્રોલ બોર્ડ (BCCI)ની ઑફિસમાં ઇન્ટરવ્યૂ લેવામાં આવી રહ્યો છે.
આ વચ્ચે BCCIના અધિકારી અનુસાર, ''સિલેક્ટર એમ.એસ.પ્રદાની અધ્યક્ષતાવાળી ક્રિકેટ એડવાઝરી કમિટી જે કોચિંગ સ્ટાફ પસંદ કરશે તેમને T-20 વર્લ્ડકપ 2021 સુધી કાર્યકાળ સોપવામાં આવશે, જે પછી ફરી કોચ પસંદ કરવાની પ્રક્રિયા શરૂ કરવામાં આવશે.સપોર્ટ સ્ટાફનો કાર્યકાળ પણ 2021ના T-20ના વર્લ્ડ કપ સુધી હશે કેમકે મોટી ટૂર્નામેન્ટની વાત આવે ત્યારે નિરંતરતા રાખવી જરૂરી છે.''
ટીમ ઇન્ડિયાના હેડ કોચ માટે 6 દાવેદારોની પસંદગી કરવામા આવી છે જેમાં માઈક હેસન, ટોમ મૂડી, રોબિન સિંહ, લાલચંદ રાજપૂત, ફિલ સિમન્સ અને રવિ શાસ્ત્રીનું ઇન્ટરવ્યૂ લેવાશે.
શાસ્ત્રી કોચ બનવા હોટ ફેવરિટ
અત્યારે રવિ શાસ્ત્રી ટીમ ઇન્ડિયાના હેડ કોચ બનવા હોટ ફેવરિટ છે. તે અત્યારે ટીમ સાથે વેસ્ટ ઇન્ડિઝના પ્રવાસ પર છે, આ પ્રવાસ પછી તેમનો કોન્ટ્રાક્ટ સમાપ્ત થાય છે. કેપ્ટન વિરાટ કોહલી તેને સપોર્ટ કરતો હોવાથી તે આ રેસમાં અન્ય દાવદારો કરતા આગળ છે. ક્રિકેટ એડવાઈઝરીની કમિટી ઇન્ટરવ્યૂ લીધા પહેલા કોહલીના ઇનપુટ્સ લે તેવી શક્યતા જોવા મળી રહી છે. તેઓ સ્કાઇપે દ્વારા શાસ્ત્રીનું ઇન્ટરવ્યૂ લેશે.
શાસ્ત્રી સિવાય શ્રીલંકાના પૂર્વ કોચ ટૉમ મૂડી, વેસ્ટઇન્ડિઝ અને અફધાનિસ્તાનના પૂર્વ કોચ ફિલ સિમન્સ, ટીમ ઇન્ડિયાના પૂર્વ ફિલ્ડિંગ કોચ રોબિન સિંહ અને ટીમ ઇન્ડિયાના પૂર્વ મેનેજર લાલચંદ રાજપૂતનુ નામ પણ શામેલ છે.