બિઝનેસ / હવે નવા ધંધામાં ટાટાએ કર્યુ કરોડોનું રોકાણ, રિલાયન્સની ચિંતા વધશે

• ક્યોરફીટ કંપનીમાં 550 કરોડ રૂપિયાનું રોકાણ કરવા જઈ રહી છે.
• આ રોકાણ કર્યા બાદ ટાટા ડિજિટલનો કેટલો હિસ્સો મળશે તે હજી અકબંધ છે
• મીંત્રા લોન્ચ કરવા વાળા બન્સલે શરૂ કરી છે ક્યોરફીટ  

ક્યોરફીટ કંપનીમાં 550 કરોડ રૂપિયાનું રોકાણ કરવા જઈ રહી છે.
કોરોનાકાળમાં વિશ્વના તમામ લોકોને ખબર પડી ગઈ કે શરીરમાં યોગ્ય ઇમ્યુનિટી જરૂરી છે. એટલે હવે દરેક લોકો સારી ફિટનેસ તરફ વધુ ધ્યાન આપવા લાગ્યા છે. માર્કેટમાં હેલ્થ માટેની પ્રોડક્ટની ડિમાન્ડ પણ વધી ગઈ છે અને આ જાણી રતન ટાટા હવે ફિટનેસના બિઝનેસમાં મોટું રોકાણ કરી રહ્યા છે. બિગબાસ્કેટને ખરીદી લીધા બાદ ટાટા ગ્રુપની કંપની ટાટા ડિજિટલ હવે ફિટનેસ અને ખૂબ જ સારી રીતે ચાલી રહેલ સ્ટાર્ટઅપ ક્યોરફીટ હેલ્થકેરને ખરીદી રહી છે. ટાટા ડિજિટલના જણાવ્યા અનુસાર તેઓ ક્યોરફીટ કંપનીમાં 550 કરોડ રૂપિયાનું રોકાણ કરવા જઈ રહી છે. 

આ રોકાણ કર્યા બાદ ટાટા ડિજિટલનો કેટલો હિસ્સો મળશે તે હજી અકબંધ છે
આ રોકાણ કર્યા બાદ ટાટા ડિજિટલનો કેટલો હિસ્સો મળશે તે હજી અકબંધ છે. એક બીજી વાત એ છે કે હજી મે મહિનામાં જ બિગ બાસ્કેટને ખરીદવાના બધા જ કરાર પૂરા કર્યા છે. કંપનીએ બિગ બાસ્કેટમાં 64 ટકા ભાગીદારી કરી છે. ટાટા સન્સે ટાટા ડિજિટલમાં 2000 કરોડ રૂપિયાનું રોકાણ કરેલ છે. જેથી ટાટા ડિજિટલનો વ્યાપ વધુ વધે. 

મીંત્રા લોન્ચ કરવા વાળા બન્સલે શરૂ કરી છે ક્યોરફીટ 
2016 માં મુકેશ બંસલે અંકિત નગોરી સાથે મળીને ક્યોરફીટ શરૂ કરી હતી. હાલ બંસલ ક્યોરફીટના CEO છે. તે તેના કો ફાઉન્ડર પણ છે. તેમણે જ આશુતોષ લવાણિયા અને વિનીત સક્સેના સાથે મળીને ફેશન ઇ કોમર્સ મીંત્રાને લોન્ચ કરી હતી. આ પછી 2014માં ફ્લિપકાર્ટે મીંત્રાને 33 કરોડ ડોલરમાં ખરીદી લીધી હતી. 2016 સુધી બંસલ મીંત્રામાં ચેરમેન તરીકે રહ્યા અને ઇ કોમર્સ અને એવર્ટાઈઝિંગ સાંભળ્યું. ભારતમાં હેલ્થ માર્કેટ ગત વર્ષ કરતાં આ વર્ષે 20 ટકા વધ્યું છે. 2025માં આ માર્કેટ 12 અરબ ડોલર સુધી પહોંચશે. હાલ ટાટા ડિજિટલ અને ક્યોરફીટ વચ્ચે MOU થઈ ચૂક્યા છે.