ભાજપ નેતા જયરામ ગામીત અને સુમુલ ડેરીના ડિરેક્ટર પ્રવિણ ગામીત પર ફેંકાઈ સાહી જાણો કેમ

તાપીમાં પશુપાલકોને યોગ્ય ભાવ ન મળતા આંદોલન કરી રહ્યા છે ત્યારે આજે સુમુલ ડેરી ખાતે યોજાયેલી પત્રકાર પરિષદમાં સુમુલ ડેરીના ડાયરેક્ટર અને જિલ્લા ભાજપના પ્રમુખ પર સ્યાહી ફેંકવામાં આવી છે. 

વાસ્તવમાં પશુપાલકોમાં દ્વારા ચાલી રહેલા આંદોલનમાં દૂધનો યોગ્ય ભાવ ન મળતા પશુપાલકોએ પત્રકાર પરિષદ દરમિયાન સુમુલ ડેરીનાં ડાયરેક્ટર પ્રવીણ ગામીત અને જિલ્લા ભાજપ પ્રમુખ જયરામ ગામીત પર સ્યાહી ફેંકીને પોતાનો વિરોધ નોઁધાવ્યો હતો. આ સાથે પશુપાલકોએ તમામ ડિરેક્ટરોનાં રાજીનામાની પણ માંગ કરી છે.



સ્યાહી ફેંક્યાની સાથે સાથે પશુપાલકોએ ‘પ્રમીણ ગામિત હાય હાય’નાં નારા લગાવીને ચીમકી આપી છે કે જો દૂધનો યોગ્ય ભાવ નહી આપવામાં આવે તો સુમુલ ડેરીનો ઘેરાવ કરીને વિરોધ કરવામાં આવશે. આ સાથે પશુપાલકો ડેરીમાં દૂઘ આપવાનું બંધ કરી દેશે.

જોકે આંદોલન કરી રહેલા તમામ પશુપાલકોની પોલીસ દ્વારા અટકાયત કરવામાં આવી છે.