ક્રાઇમ / મહિલાને ચૂડેલ બતાવી સ્મશાનમાં લઈ ગયો તાંત્રિક અને પછી કર્યુ શરમજનક કામ

• મહિલાની સાથે કર્યું દુષ્કર્મ 
• તાંત્રિકે પરિણીત મહિલા સાથે કર્યો રેપ
• તાંત્રિકને ઝડપી પાડવામાં આવ્યો

મધ્ય પ્રદેશમાં એક તાંત્રિક દ્વારા એક પરિણીત મહિલા પર દુષ્કર્મ ગુજારવાની ઘટના પ્રકાશમાં આવી છે. મનાઈ રહ્યું છે કે તાંત્રિકે રાત્રે એક સ્મશાનગૃહમાં આ ઘટનાને અંજામ આપ્યો હતો. તેણે મહિલા ઉપર ડાકણનો પ્રભાવ કહીને તેને દૂર કરવાના બહાને મહિલાને એકાંતમાં લઈ ગયો હતો. પરિવારના સભ્યોએ કહ્યું કે તાંત્રિકે એમ કહીને બધાને ડરાવી દીધા હતા કે જો કોઈ આ વિધિ દરમિયાન મહિલાની સાથે રહેશે તો તે મરી જશે. જો કે મહિલાએ તેની સાથે થયેલી બળજબરીની વાત તેના પરિવારના સભ્યોને જણાવી હતી ત્યારે બરેલા પોલીસ સ્ટેશનમાં ફરિયાદ નોંધાવવામાં આવી છે. તે જ સમયે, આ બનાવ બાદ ભાગી ગયેલા આરોપી તાંત્રિકની ધરપકડ કરવામાં આવી છે.

મહિલા થોડા સમયથી બીમાર હતી

મળતી માહિતી મુજબ, આ મામલો બરેલાનો છે જ્યાં એક 33 વર્ષીય પીડિત મહિલા થોડા સમયથી બીમાર હતી. તે જ સમયે મહિલાનો પરિવાર અંધશ્રદ્ધાને લઈને ડૉક્ટરની જગ્યાએ તાંત્રિક પાસેથી તેનો ઈલાજ કરાવી રહ્યો હતો,  પરિવારના સભ્યોને લાગ્યું કે આ સ્ત્રીના શરીરમાં આત્મા છે. આવી સ્થિતિમાં, તે આ મહિલાને લઈને જમુનિયા ગામમાં તાંત્રિક વિજય યાદવની પાસે લઈ ગયા હતા, તાંત્રિકે વિધિ શરૂ કરી  દરમિયાન તેની દાનત બગડી ગઈ હતી, અને તેણે પરિવારને કહ્યું કે રાત્રે સ્મશાનસ્થળમાં વિશેષ વિધિ કરવી પડશે.

આ પછી, 14 માર્ચની રાત્રે દસ વાગ્યે તાંત્રિક વિજય મહિલાના ઘરે પહોંચ્યો અને કહ્યું કે મારે આ ક્રિયા એકલા કરવી છે. જો કોઈ ધાર્મિક વિધિ દરમિયાન ત્યાં રહે છે, તો તે મરી જશે. પરિવારજનો તેની વાતોમાં આવી ગયા અને મહિલાને તેની સાથે મોકલી દીધી. આ પછી તાંત્રિકે મહિલાને વિધિના બહાને તેની સાથે દુષ્કર્મ ગુજાર્યો હતો અને પરિવારને જણાવ્યું હતું કે હવે કોઈ પણ ડાકણ તેને પરેશાન નહીં કરે. ત્યારબાદ મહિલાને છોડીને તેના ઠેકાણાથી ભાગી ગયો હતો. 

મહિલાને પૂછતાં, તેણે આપવીતી જણાવી 

આરોપી ત્યાંથી રવાના થયો ત્યારે પરિવારે પૂછ્યું કે ચૂડેલને ભગાડવા તાંત્રિકે શું કર્યું? તેથી મહિલાએ તેની આપવીતી જણાવી દીધી હતી. આ પછી પરિવારજનો મહિલા સાથે પોલીસ મથકે પહોંચ્યા હતા અને આરોપી તાંત્રિક સામે દુષ્કર્મનો કેસ દાખલ કર્યો હતો.આ બાબતને ગંભીરતાથી લઇને બરેલા પોલીસે ધરપકડ માટે અનેક જગ્યાએ દરોડા પાડીને આરોપીની ધરપકડ કરી હતી.