સાઉથની જાણીતી અભિનેત્રી તમન્ના ભાટિયાએ તામિલ ચેટ શો ફેમસલી ફિલ્મફેરમાં કહ્યું કે જો એને ક્યારેય પણ ઋત્વિક રોશન સાથે કામ કરવા મળ્યું તો એ કોઇ પણ નિયમ તોડી નાંખશે.
સાઉથની જાણીતી અભિનેત્રી તમન્ના ભાટિયા ‘બાહુબલી’ ફિલ્મ બાદ દેશ-દુનિયામાં ફેમસ અને લોકપ્રિય બની ગઇ. તેની પાસે હવે હિન્દી ફિલ્મોની ઓફર પણ આવવા લાગી છે. તે કહે છે કે મને હવે રોજ હિન્દી ફિલ્મોની ઓફર આવે છે, પરંતુ હવે મારી પસંદગી થોડી બદલાઇ ગઇ છે. હું રોજ ઘણી સ્ક્રિપ્ટ જોઇ રહી છું અને જ્યારે ફાઇનલ થશે ત્યારે બધાંને જણાવી દઇશ.
અત્યાર સુધી મેં જે પણ હિન્દી ફિલ્મોમાં કામ કર્યું છે તેમાં મારું પર્ફોર્મન્સ એટલું જોવા મળ્યું નથી. તેથી હવે એવું જ કામ કરીશ, જેમાં મારું કામ લોકોના ધ્યાનમાં આવે.
તમન્નાનો ફેવરિટ અભિનેતા ઋત્વિક રોશન છે. તે કહે છે કે હું ઋત્વિકની બહુ મોટી ફેન છું. હું થોડા સમય પહેલાં તેની સાથે ટકરાઇ ગઇ હતી તો હું વિચિત્ર વર્તન કરવા લાગી. મેં ઋત્વિકને પણ કહ્યું કે હું તમારી મોટી ફેન છું.
ત્યારબાદ ઋત્વિકે મને કહ્યું શું તમારે મારી સાથે એક પિક લેવો છે. મેં કહ્યું કે હા ચોક્કસ. મને એવું લાગી રહ્યું હતું કે ઋત્વિકને સામે જોઇને હું ૧૬ વર્ષની બાળકી બની ગઇ છું. હું સ્ક્રીન પર કિસ સીન કરતી નથી. તે મારા કોન્ટ્રાક્ટનો એક પાર્ટ છે, જોકે હું મારા મિત્રોને મજાકમાં જરૂર કહું છે કે ઋત્વિક રોશન માટે હું મારા ‘નો કિસિંગ રૂલ’ને પણ તોડી શકું છું.