ટેલિવિઝનના સૌથી પોપ્યુલર શો તારક મહેતા કા ઉલ્ટા ચશ્મા રોજ કોઈને કોઈ કારણથી ચર્ચામાં રહે છે. હાલમાં જ શોમાં કોરોના વાયરસના ડરને લઈને એપિસોડ દેખાડવામાં આવ્યો હતો. જે બાદ એકવાર ફરી શો જબરદસ્ત ચર્ચામાં આવી ગયો છે. ત્યારે હવે સીરિયલમાં અંજલી ભાભી અને તારક મહેતાના રોમાન્સે દર્શકોને દીવાના બનાવી દીધા છે. તારક અને અંજલીનો આવો રોમાન્સ કદાચ જ પહેલાં જોવા મળ્યો છે. ત્યારે શોમાં અંજલિનો રોલ પ્લે કરનાર સુનૈના ફૌઝદાર અને તારકનો રોલ પ્લે કરનાર શૈલેશ લોઢાનો એક વીડિયો સોશિયલ મીડિયા પર ખૂબ જ વાયરલ થઈ રહ્યો છે.
તારક મહેતા શો દર્શકોના દિલ પર રાજ કરે છે
તો હાલમાં જ તારક અને અંજલીનો રોમેન્ટિક વીડિયો થઈ રહ્યો છે વાયરલ
શોમાં રોજ નવા ટ્વિસ્ટ અને ટર્ન્સ આવતા રહે છે
હકીકતમાં તારક મહેતાના લેટેસ્ટ એપિસોડ સિંગર એસ પી બાલાસુબ્રમણ્યમને સમર્પિત હતો. આ એપિસોડમાં દર્શાવ્યું હતું કે તારક મહેતા એક સ્ક્રિપ્ટ પર કામ કરી રહ્યા છે, જે રોમેન્ટિક છે. આ દરમિયાન તારક રોમેન્ટિક થઈ જાય છે અને ગોકુલધામ સોસાયટીની સામે પત્ની અંજલી સાથે રોમેન્ટિક ડાંસ કરતા જોવા મળે છે. આ દરમિયાન બેકગ્રાઉન્ડમાં
એસ પી બાલાસુબ્રમણ્યમનો બહુત પ્યાર કરતે હૈ તુમકો સનમ સોન્ગ વાગી રહ્યો છે. આ બંનેના રોમાન્સનો વી઼ડિયો સોશિયલ મીડિયા પર વાયરલ થઈ રહ્યો છે.
સાથે જ આ એપિસોડમાં દેખાડવામાં આવ્યું કે અંજલી અને તારકને ગીત ગાતા અને રોમાન્સ કરતા જોઈ અંજલિ અને અય્યર પણ બાલકનીમાં આવી જાય છે અને પછી બંને એસ પી બાલાસુબ્રમણ્યમનો હમ બને તુમ બને એક દૂજે કે લિયે સોન્ગ પર ડાન્સ કરે છે. પછી જેઠાલાલ પણ બાલકનીમાં આવી જાય છે અને બબીતાજી માટે ગીત ગાય છે. આ ગીત પણ એસ પી બાલાસુબ્રમણ્યમનો હોય છે. જેઠાલાલ ફિલ્મ હમ આપકે હૈ કૌનનો ટાઈટલ સોન્ગ ગાતા જોવા મળે છે.