આજે ઓસ્ટ્રેલીયા અને ન્યૂઝીલેન્ડ વચ્ચે ટી-ટ્વેન્ટી વર્લ્ડકપની ફાઇનલ મેચ છે. ચાહકોમાં કોણ વિજેતા બનશે એ બાબતને લઈને ઘણા સમીકરણો બાંધવામાં આવી રહ્યા છે.
આજે NZ vs AUS ફાઈનલ
સોશ્યલ મીડિયા પર ચર્ચા
બંને ટીમો વચ્ચે કાંટાની ટક્કર
ક્રિકેટ પ્રેમીઓની રાહ જોવાની ઘડી આજે પૂરી થવાની નજીક છે. આજે રાત સુધીમાં દરેકને ખબર પડી જશે કે કઈ ટીમે ICC મેન્સ T20 વર્લ્ડ કપ 2021નું ટાઇટલ જીત્યું છે.
સોશ્યલ મીડિયા પર ચર્ચા
હાલમાં તમામની નજર આગામી મેચ પર ટકેલી છે. સોશિયલ મીડિયા દ્વારા ક્રિકેટ પ્રેમીઓ પોતાના મંતવ્યો શેર કરી રહ્યા છે. ઘણા ક્રિકેટ પ્રેમીઓને લાગે છે કે આજની મેચમાં ઓસ્ટ્રેલિયન ટીમ કિવી ટીમ પર ભારે પડશે, જ્યારે ઘણા લોકોને લાગે છે કે કેન વિલિયમસનની આગેવાની હેઠળની બ્લેક કેપ્સ આજની મેચમાં શાનદાર પ્રદર્શન કરીને બધાને ચોંકાવી શકે છે. અત્યારે કઈ ટીમને આજે વિજયશ્રી મળશે તે તો રહસ્ય છે.
બંને ટીમો વચ્ચેની ટક્કર
ફાઈનલ મેચ પહેલા T20 ઈન્ટરનેશનલ ક્રિકેટમાં બંને ટીમો વચ્ચેની ટક્કરની વાત કરીએ તો ન્યૂઝીલેન્ડ અને ઓસ્ટ્રેલિયાની ટીમો ઈન્ટરનેશનલ ક્રિકેટના આ સૌથી ટૂંકા ફોર્મેટમાં 14 વખત સામસામે આવી ચુકી છે. આ દરમિયાન કિવી ટીમ સામે ઓસ્ટ્રેલિયાની ટીમનો દબદબો રહ્યો છે. T20I ક્રિકેટમાં કાંગારૂ ટીમે કીવી સામે નવ વખત જીત મેળવી છે, જ્યારે બ્લેક કેપ્સ ઓસ્ટ્રેલિયાની ટીમ સામે માત્ર પાંચ મેચ જીતવામાં સફળ રહી છે. T20I ક્રિકેટમાં, ઓસ્ટ્રેલિયન ટીમની ન્યુઝીલેન્ડ સામેની જીતની ટકાવારી 64.28% છે, જ્યારે કિવી ટીમની ઓસ્ટ્રેલિયન ટીમ સામેની જીતની ટકાવારી 35.71% છે.
"Regardless of where the game's at, you always feel like they're never out of it." 😈
બીજી તરફ ટી-20 વર્લ્ડ કપમાં બંને ટીમો વચ્ચેની ટક્કરની વાત કરીએ તો અત્યાર સુધી આ મહાકુંભમાં બંને ટીમો એક વખત સામસામે આવી ચુકી છે. જેમાં ન્યૂઝીલેન્ડની ટીમે કાંગારું ટીમ સામે જીત મેળવી છે.
આ સિવાય બંને વનડે ક્રિકેટમાં અત્યાર સુધીમાં 137 વખત સામસામે આવી ચુક્યા છે. અહીં પણ કાંગારૂ ટીમ બ્લેક કેપ્સ પર ભારે રહી છે. ODI ફોર્મેટમાં ઓસ્ટ્રેલિયાએ ન્યૂઝીલેન્ડ સામે 91 મેચ જીતી છે જ્યારે કિવી ટીમે ઓસ્ટ્રેલિયા સામે 39 મેચ જીતી છે.
ટેસ્ટ ક્રિકેટમાં, આ બંને ટીમો અત્યાર સુધીમાં 60 વખત સામ-સામે આવી ચુકી છે. અહીં પણ ઓસ્ટ્રેલિયન ટીમે ન્યુઝીલેન્ડ સામે વધારે બાજી મારી છે. રેડ બોલ ક્રિકેટમાં ઓસ્ટ્રેલિયાએ ન્યૂઝીલેન્ડ સામે 34 મેચ જીતી છે જ્યારે કિવી ટીમ માત્ર આઠ મેચ જીતવામાં સફળ રહી છે.