બોલિવૂડ એક્ટર સુશાંત સિંહ રાજપૂતના નિધનને 2 મહિનાથી વધારેનો સમય વિતી ગયો છે તેમ છતાં કેસ વધારે ને વધારે ગુંચવાતો જાય છે. 14 જૂને સુશાંતે તેના ઘરે આત્મહત્યા કરી લીધી હતી, જ્યારે 9 જૂને સુશાંતની એક્સ મેનેજર દિશાએ પણ ઉપરથી કુદીને આત્મહત્યા કરી લીધી હતી. દિશાના મૃત્યુ બાદ નવા નવા ખુલાસા થાય છે. હવે દિશા અને સુશાંત વચ્ચેની ચેટ વાયરલ થઇ રહી છે.
દિશા અને સુશાંતની ચૅટ વાયરલ
સુશાંત સાઇન કરવાનો હતો ડીલ
બંને વચ્ચે થઇ હતી કામની વાત
દિશા અને સુશાંતના કેસને લોકો નોર્મલ નથી માની રહ્યાં. બંને કેસ આત્મહત્યાના નહી પરંતુ હત્યાના છે તેમ માનવામાં આવી રહ્યું છે. ટાઇમ્સ નાઉના એક રિપોર્ટ અનુસાર બંને એપ્રિલ મહિનાથી સંપર્કમાં હતા અને કામ વિશે વાત કરતા હતા.
સુશાંત અને દિશાની ચેટથી સાફ ખબર પડે છે કે દિશા સુશાંતનુ પીઆર મેનેજ કરતી હતી. તે સિવાય બંને વચ્ચે નવા નવા પ્રોજેક્ટને લઇને પણ વાત થઇ હતી. સુશાંતે પણ દિશાને કહ્યું હતું કે, તેમને પણ ઘણા ટીવી કમર્શિયલ ઑફર થઇ રહ્યાં છે.
દિશા અને સુશાંત વચ્ચેની આ ચેટ ખુબ પ્રોફેશનલ હતી. અલગ અલગ કંપની કેટલા રૂપિયા ઑફર કરી રહી છે તે વાત પણ બંને વચ્ચે થઇ હતી.