સફળતા / સુરત જિલ્લા LCBને મળી મોટી સફળતાઃ 10 વર્ષ પહેલાની ચકચારી લૂંટ કેસનો આરોપી ઝડપાયો

• સુરત જિલ્લા LCBને મળી મોટી સફળતા 
• ગુજરાતના ચકચારી લૂંટ કેસનો આરોપી ઝડપાયો
• 10 વર્ષ પહેલા સુરતના કોસંબામાં કરી હતી લૂંટ 

સુરત જિલ્લા LCBને મોટી રાજ્યમાં 10 વર્ષ પહેલાં કરેલી લૂંટ કેસના આરોપીને ઝડપી પાડ્યો છે. 10 વર્ષ પહેલાં શહેરના કોસંબામાં આરોપીએ કે.એમ.ચોક્કસી જવેલર્સમાં લૂંટ કરી હતી. પકડાયેલ આરોપી નહારિયા ગેંગનો સક્રિય સભ્ય હોવાનું સામે આવ્યું છે. આરોપી વિરુદ્ધ મૂળ વતન મધ્યપ્રદેશમાં ગુના દાખલ થયા છે.
 

પ્રાપ્ત મળતી વિગત અનુસાર સુરત જિલ્લાના LCBને મોટી સફળતા મળી છે. 10 વર્ષ પહેલા શહેરના ચકચારી લૂંટ કેસનો આરોપી ઝડપાયો છે. આ આરોપીએ કે. એમ. ચોકસી જવેલર્સમાં મોટાપાયે લૂંટ ચલાવી હતી. જેનો મોસ્ટ વોન્ટેડ આરોપી મુકેશ ઉર્ફે વિશાલ બારૈયા ઝડપાયો છે. 

LCBએ વિશાલ બારૈયાને આણંદના વાસદ રેલવે સ્ટેશન નજીકથી ઝડપી પાડ્યો છે. આ પકડાયેલ આરોપી નહારિયા ગેંગનો સક્રિય સભ્ય હોવાનું સામે આવ્યું છે. 
 

જો કે પકડાયેલ આોપી વિરુદ્ધ મૂળ વતન મધ્યપ્રદેશમાં ગુના દાખલ થયા છે. જાંબુવામાં પણ ગેરકાયદે હથિયાર રાખવા બાબતે વોન્ટેડ હોવાનું સામે આવ્યું છે. 

LCBએ ઝડપેલા મોસ્ટ વોન્ટેડ આરોપીએ લૂંટારુઓ સાથે દોઢથી બે મિનિટમાં રુપિયા 6.25 કરોડની લૂંટ કરી હતી. જેમાં સોના-ચાંદીના દાગીનાની લૂંટ કરવામાં આવી હતી. જેને લઇને આરોપી પર ઇનામ પણ જાહેર કરવામાં આવ્યું હતું.