સુરતના ઓલપાડ વિસ્તારમાં ગેસ સિલિન્ડર ભરેલી ટ્રકમાં પંચર પડતા ટ્રક બેકાબુ બની ગઇ હતી. જેને લઇને અકસ્માત સર્જાતા ટ્રકમાં આગ લાગી ગઇ હતી. જો કે ટ્રકમાં 50 જેટલા ગેસ સિલિન્ડર ભરેલા હોય એકાએકા બ્લાસ્ટ થયો હતો. આ બ્લાસ્ટ થતા આગની ઝપેટમાં સ્કૂલ બસ પણ આવી ગઇ હતી. જેમાં ડ્રાઇવર અને કંડક્ટરની સમય સુચકતાથી મોટી દુર્ઘટના ટળી હતી. 20 બાળકોનો આબાદ બચાવ થયો હતો. આ બન્નેને સન્માનિત કરાશે.
સુરતમાં LPG સિલિન્ડર ભરેલી ટ્રકના ટાયરમાં પંચર પડ્યું હતું
સિલિન્ડર બ્લાસ્ટમાં સ્કૂલ બસ પણ આવી હતી આગની ઝપેટમાં
ડ્રાઈવર અને કંડક્ટરની સમય સુચકતાથી મોટી દુર્ઘટના ટળી
ઓલપાડ વિસ્તારમાં ગેસ સિલિન્ડર ભરેલી ટ્રકમાં આગ લાગતા સળગતા સિલિન્ડર હવામાં ઉડયા હતા. આ આગની ઝપેટમાં રેડિટેન્ડ ઈન્ટરનેશનલ સ્કૂલ બસ, રિક્ષા અને ટેમ્પો પણ આવી ગયા હતા. આ દરમિયાન સ્કૂલ બસમાં સવાર બાળકોના જીવ જોખમમાં મુકાયા હતા. તે દરમિયાન ડ્રાઈવર-કંડક્ટરની સમય સૂચકતા અને સાહસથી બાળકોના જીવ બચ્યા છે. ત્યારે શાળા દ્વારા બન્નેનું સન્માન કરાશે. મહત્વનું છે કે, આ ઘટનામાં કોઈ જાનહાનિ થવા પામી નથી.
રેડિટેન્ડ ઈન્ટરનેશનલ સ્કૂલના તમામ 20 બાળકોને સલામત બહાર કાઢવામાં આવ્યા હતા. આ ઘટનાની જાણ થતા ફાયર વિભાગના અધિકારીઓ ઘટનાસ્થળે પહોંચ્યા હતા. ભારે જહેમત બાદ ફાયર વિભાગ આગ પર મેળવ્યો હતો.
ડ્રાઈવર-કંડક્ટરના સન્માનની જાહેરાત
સ્કૂબ બસમાં સવાર તમામ બાળકોને બચાવાયા હતા. શાળા સંચાલકોએ ડ્રાઈવર અને કંડક્ટરના સન્માનની જાહેરાત કરી છે. શાળા દ્વારા ડ્રાઈવર આનંદ પટેલ અને કંડકટર રમેશ પટેલનું સન્માન કરાશે. ત્યારે ઇન્ડિયન ઓઇલ કંપની દ્વારા ડ્રાઈવરને બ્રેવરી એવોર્ડ આપવામાં આવશે.