દક્ષિણી પ્રશાંત મહાસાગરમાં આવેલ ફિજીના લંબાસા શહેરમાં 6.7ની તીવ્રતાનો ભૂકંપનો આંચકો અનુભવાયો છે. સયુંક્ત રાષ્ટ્ર ભૂવૈજ્ઞાનિકના સર્વેક્ષણ અનુસાર આ ભૂકંપનો આંચકો રાત્રે અંદાજીત 8.25 કલાકની આસપાસ આવ્યો હતો.
જો કે અત્યાર સુધી આ ભૂકંપના કારણે કોઇપણ પ્રકારના નુકસાનના અહેવાલ પ્રાપ્ત થયાં નથી. જ્યારે ભૂકંપને લઇને કોઇપણ પ્રકારની સુનામની ચેતવણી પણ આપવામાં આવી નથી. આમ કોઇ જાનહાનિના કોઇપણ સમાચાર મળ્યાં નથી.
ઉલ્લેખનીય છે કે આ અગાઉ પણ 30 સપ્ટેમ્બરે 6.6ની તીવ્રતાથી ભૂંકપનો આંચકો અનુભવાયો હતો. જ્યારે 7 સપ્ટેમ્બરે 7.8ની તીવ્રતાનો શક્તિશાળી ભૂકંપનો આંચકો અનુભવાયો હતો. જેના કારણે ઘણાબધા ઘરને નુકસાન થયું હતું. ઉલ્લેખનીય છે કે ફિજીમાં ઘણી વખત ભૂંકપના આંચકા અનુભવાતા હોય છે.