ઉત્તર પ્રદેશ અને ઉત્તરાખંડની રાજ્યસભાની 11 સીટો માટે વિરોધ વગરની પસંદગી બાદ ઉચ્ચ સદનમાં 92 સાંસદોની સાથે ભાજપ વધારે મજબૂત થઈ ગઈ છે. બીજી તરફ વિપક્ષી કોંગ્રેસ વધુ ઘટીને 38 સીટો પર આવી ગઈ છે. ભાજપના સભ્યોના આ સંખ્યા અત્યાર સુધીની સૌથી વધારે છે. જોકે ઉચ્ચ સદનમાં એનડીએનું બહુ મત સુધી પહોંચવું હજુ સુધી દુર છે. ઉત્તર પ્રદેશની 10 અને ઉત્તરાખંડની 1 સીટનો સમાવેશ થયો છે.
ઉત્તર પ્રદેશની 10 અને ઉત્તરાખંડની 1 સીટનો સમાવેશ થયો છે
ઉચ્ચ સદનમાં 92 સાંસદોની સાથે ભાજપ વધારે મજબૂત થઈ
જોકે ઉચ્ચ સદનમાં એનડીએનું બહુ મત સુધી પહોંચવું હજુ સુધી દુર
ભાજપે ઉત્તર પ્રદેશમાં વિધાનસભામાં પોતાના 8 ઉમેદવાર ઉતાર્યા હતા એ તમામ ચૂંટાઈને આવ્યા છે. એમાંથી 3 કેન્દ્રીય મંત્રી હરદીપ પુરી, સાંસદ અરુણ સિંહ અને નીરજ શેખર છે. સપાએ પોતાના નેતા રામગોપાલ યાદવને ઉતાર્યા હતા જે પસંદગી પામ્યા છે. એક સીટ પર બસપાથી રામજી ગૌતમ પસંદગી પામ્યા છે. તમામ સભ્યોનો કાર્યકારશ 25 નવેમ્બર 2020થી 24 નવેમ્બર 2026 સુધી રહેશે. રાજ્યસભમાં ઉત્તર પ્રદેશથી 31 સીટો છે. જેમાંથી અત્યાર સુધી 22 સીટો પર ભાજપની પાસે છે. સમાજવાદી પાર્ટી પાસે 5 અને બસપાના ખાતામાં 3 સીટો રહેશે.
ઉલ્લેખનીય છે કે લોકસભામાં ભાજપ પાસે પોતાની બહુમત છે અને એનડીએની સાથે તે ઘણી મજબૂત છે. રાજ્યસભામાં પણ ભાજપ સતત મજબૂત થઈ રહી છે. જોકે તેમની પાસે પોતાના કે એનડીએની બહુમત નથી. ભારતીય જનતા પાર્ટીના પ્રદેશ અધ્યક્ષ સ્વતંત્રદેવ સિંહ અને પ્રદેશ મહામંત્રી સંગઠને ઉત્તર પ્રદેશના નવ નિર્વાર્ચિત પાર્ટીના 8 રાજ્ય સભાના સભ્યોને અભિનંદન આપ્યા છે. તેમણે કહ્યું કે નવા સભ્યો રાષ્ટ્રીય નેતૃત્વના નિર્દેશનમાં પીએમ નરેન્દ્ર મોદીના રાષ્ટ્રીય નિર્માણના સંકલ્પને વધુ મજબૂતી આપશે સાથે રાષ્ટ્રીય ફલક પર ઉત્તર પ્રદેશની અપેક્ષાઓ અને હિતોની પૂર્તિ માટે પોતાનું યોગદાન આપશે.