લૉકડાઉન / કોરોના સંકટથી રાજ્યોમાં GST કલેક્શન 90 ટકા ઘટ્યું, કેન્દ્ર સરાકાર પાસે બસ આટલું જ ભંડોળ બચશે

• લૉકડાઉનમાં રાજ્યની ઈકોનોમીને થયું મોટું નુકસાન
• રાજ્યોના GST કલેક્શનમાં આવ્યો મોટો ઘટાડો
• કેન્દ્રના સંગ્રહમાં પણ આવી શકે છે આટલો ફેરફાર

ઈ-વે બિલમાં આવ્યો મોટો ઘટાડો

જે રીતે આખા દેશમાં ઇ-વે બિલની તૈયારીમાં ઘટાડો થયો હતો, તેનાથઈ માત્ર એટલું સમજાયું કે જીએસટી સંગ્રહમાં મોટો ઘટાડો થઈ શકે છે. 1 એપ્રિલથી 27 એપ્રિલની વચ્ચે, ગુડ્સ એન્ડ સર્વિસ ટેક્સ નેટવર્ક (GSTN) અને વેપારમાંથી 67.47 લાખ ઇ-વે બીલ બનાવવામાં આવ્યા હતા. માર્ચ 2020નું આ 4.06 કરોડનું ઇ-વે બિલ ફક્ત 17 ટકા છે.

જાણકારોના મતે હાલમાં ઈકોનોમીનું લગભગ 30 ટકા ભાગ જ કામ કરી રહ્યો છે. કેન્દ્ર, રાજ્ય અને સ્થાનિક તંત્ર ળમીને કામગીરી કરી રહ્યું છે. ઈકોનોમીમાં ઝટકો અનુમાનથી ઘણો વધારે છે જેને લઈને ચિંતા વધી છે. આસામના નાણામંત્રીએ જણાવ્યું છે કે એપ્રિલ મહિનામાં મહેસૂલમાં 80 ટકાનો ઘટાડો થયો છે. 

પહાડી રાજ્યોની સ્થિતિ ખરાબ

ટેક્સ એક્સપર્ટ્સ માને છે કે ખાસ કરીને પહાડી રાજ્યોની સ્થિતિ ખરાબ હોઈ શકે છે. તેમની આવક હોસ્પિટલ્સ અને પર્યટકોથી આવે છે. રાજ્યોના કુલ મહેસૂલના 30થી 50 ટકા ભાગ ડીઝલ, પેટ્રોલ અને દારૂ પરના ટેક્સથી આવે છે. રાજ્યોના સેલ્સ ટેક્સની જગ્યા હવે જીએસટીએ લીધી છે. તેનાથી મહેસૂલનો અડધો ભાગ જ આવે છે. લૉકડાઉનના સમયે દારૂનો વેપાર બંધ છે અને સડકોથી માલ પણ ઓછો જઈ રહ્યો છે. એવામાં રાજ્યના રાજસ્વને ભારે નુકસાન થવાની આશંકા છે. 

ટેક્સ ફાઈલિંગમાં મુશ્કેલી

કરવેરામાં ભારે ઘટાડા પાછળનું કારણ એ છે કે વ્યવસાયની ગતિ પદ્ધતિ ખૂબ ઓછી થઈ રહી છે, ઉપરાંત ઘણા નાના ઉદ્યોગપતિઓએ કટોકટીને ધ્યાનમાં રાખીને રોકાણ મુલતવી રાખ્યું છે અને સાથે ટેક્સ ફાઈલિંગ ટાળ્યું છે. નોંધનીય છે કે સરકારે વાર્ષિક 5 કરોડ રૂપિયાથી ઓછા ટર્નઓવર ધરાવતા ઉદ્યોગપતિઓ માટે જીએસટી રીટર્ન ફાઇલ કરવાની તારીખ માર્ચથી મેથી જૂન 2020 સુધી વધારી છે.