આડકતરા વાર / '...તેના કારણે કેટલાક લોકોના પેટમાં દુઃખશે', જાણો હર્ષ સંઘવી આવું શા માટે બોલ્યા

• ગુજરાત ATSને મળી મોટી સફળતા
• ATSએ 40 કિલો ગ્રામ હેરોઇન કબ્જે કર્યુ
• હર્ષ સંઘવી અને આશિષ ભાટિયાએ કર્યા ગુજરાત પોલીસના વખાણ

આજે સવારે ICG અધિકારીઓના જણાવ્યા મુજબ, ગુજરાત ATSએ કોસ્ટગાર્ડ સાથે મળીને કરોડોનું ડ્રગ્સ ઝડપી પાડ્યું છે. ભારતીય કોસ્ટ ગાર્ડ અને ગુજરાત એટીએસએ સંયુક્ત ઓપરેશનમાં ભારતીય જળસીમાની અંદર 6 માઈલ અંદર એક પાકિસ્તાની બોટને 200 કરોડની કિંમતના 40 કિલો ડ્રગ્સ સાથે ઝડપી પાડી. ICGની બે ફાસ્ટ એટેક બોટોએ ગુજરાતના જખૌ કિનારે 33 નોટિકલ માઈલ દૂર પાકિસ્તાની બોટ ઝડપી પાડી છે. IMBL નજીકથી આ ડ્રગ્સનો જથ્થો પકડાયો છે. પંજાબની જેલમાં બંધ નાઈઝિરિયને આ ડ્રગ્સનો જથ્થો મંગાવ્યો હોવાનું જાણવા મળી રહ્યું છે. આ સંપૂર્ણ નેટવર્ક જેલમાંથી ચાલી રહ્યું હોવાનું જાણવા મળી રહ્યું છે.

6 પાકિસ્તાની નાગરિકની ધરપકડ, અન્ય 2 દિલ્હીના હજુ પણ 2 વોંટેડ:  DGP આશિષ ભાટિયા
સમગ્ર મામલે માહિતી આપવા DGP આશિષ ભાટિયાએ પત્રકાર પરિષદ યોજી હતી. અને કહ્યું હતું કે ગુજરાત ATSને મોટી સફળતા મળી છે. ATSએ 40 કિલો ગ્રામ હેરોઇન કબ્જે કર્યુ છે. બાતમીને આધારે કરેલી કાર્યવાહીમાં પકિસ્તાનથી ડ્રગ્સનો જથ્થો આવી રહ્યો હતો. ડ્રગ્સની કિમત અંદાજે 200 કરોડ થાય છે. સમગ્ર મામલે ખુલસો થયો છે કે અમૃતસર જેલમાંથી ડ્રગ્સનું આ ઓપરેશન પુરૂ પડવામા આવ્યુ હતુ.  જેલમાં બંધ એક નાઇઝીરિયાન નેટવર્ક  ચલાવી રહ્યો હતો. અગાઉ પણ આ ઈસમે 1 કિલો હીરોઇન મંગાવ્યું હતું. કરાચીથી ડ્રગ્સનો જથ્થો આવી રહ્યો હતો. સમગ્ર મામલે 6 પાકિસ્તાની લોકોની પણ ધરપકડ કરવામા આવી છે.  2 દિલ્હીના લોકોની ધરપકડ થઈ છે જ્યારે 2 લોકો વોન્ટેન્ડ છે. ATS અને ઇન્ડિયન કૉસ ગાર્ડની મદદથી આ ઓપરેશન પૂરું પાડવામાં આવ્યું હતું.

ડ્રગ્સનું નેટવર્ક તોડ્યું છે તેને કારણે અમુક લોકોને દુઃખ થયું: ગૃહરાજ્યમંત્રી હર્ષ સંઘવી
તો બીજી તરફ  સુરતથી ગૃહરાજ્યમંત્રી હર્ષ સંઘવીએ આપેલા નિવેદનમાં કહ્યું કે ગુજરાત પોલીસ અને ATSની ટીમ અભિનંદનને પાત્ર છે. આજે ગુજરાત પોલીસે ખૂબ જ સાહસિક કામ કર્યું છે. ડ્રગ્સનું નેટવર્ક તોડવામાં ગુજરાત પોલીસ અગ્રેસર રહી છે. આપણા દેશમાં ડ્રગ્સ ઘુસાડવાનો પ્રયાસ નાકામ બનાવવામાં આવી રહ્યો છે.પંજાબની જેલમાંથી જેલના તંત્ર સાથે મળીને ડ્રગ્સ મંગાવવામાં આવતું હતું. ગુજરાત પોલીસે જે પ્રમાણે પંજાબમાં ડ્રગ્સ જતું અટકાવ્યું છે તેને માટે અભિનંદન પાઠવતા કટાક્ષ કર્યો હતો કે ડ્રગ્સનું નેટવર્ક તોડ્યું છે તેને કારણે અમુક લોકોને દુઃખ થયું છે. ગુજરાત પોલીસ ડ્રગ્સ સામે ની લડાઈ લડવા ખૂબ આગળ વધી રહી છે. સતત પોલીસ ડ્રગ્સ બાબતે કાર્યવાહી કરી જે કામ કરી રહી છે તેના કારણે કેટલાકના પેટમાં દુઃખશે.