લિયોનેલ મેસ્સીએ વર્લ્ડ કપ જીતવાની ખુશીમાં તેની ટીમના સાથી ખેલાડીઓ અને સપોર્ટ સ્ટાફને ગોલ્ડ આઈફોન ગિફ્ટ આપવાનું નક્કી કર્યું છે. આ ફોન પર તમામ ખેલાડીઓના નામ અને તેમના જર્સી નંબર લખેલા હશે.
મેસ્સીએ કુલ 35 ગોલ્ડ પ્લેટેડ આઈફોન બનાવ્યા
જીત બાદ કંઈક ખાસ કરવા માંગતો હતો મેસ્સી
લિયોનેલ મેસ્સીએ કુલ ખર્ચ્યા આટલા રૂપિયા
આર્જેન્ટિનાના કેપ્ટન લિયોનેલ મેસ્સીએ વર્લ્ડ કપ જીતવાની ખુશીમાં તેની ટીમના સાથી ખેલાડીઓ અને સપોર્ટ સ્ટાફને ગિફ્ટ આપવાનું નક્કી કર્યું છે. જણાવી દઈએ કે આર્જેન્ટિનાની ટીમે ગયા વર્ષના અંતમાં ફ્રાન્સને હરાવીને ફૂટબોલ વર્લ્ડ કપ જીત્યો હતો અને એ વાતથી ખુશ થઈને મેસીએ તમામ સભ્યોને ગિફ્ટ આપવા માટે 35 ગોલ્ડ આઈફોનનો ઓર્ડર આપ્યો છે.
કુલ 35 ગોલ્ડ પ્લેટેડ આઈફોન બનાવ્યા
મેસ્સીએ કુલ 35 ગોલ્ડ પ્લેટેડ આઈફોન બનાવ્યા છે તેની કિંમત175,000 પાઉન્ડ એટલે કે લગભગ 1.72 કરોડ રૂપિયા હોવાનું કહેવાય છે. અને આ ફોન પર તમામ ખેલાડીઓના નામ અને તેમના જર્સી નંબર લખેલા હશે. સાથે જ આઇફોનના પાછળના ભાગમાં વર્લ્ડ કપ ચેમ્પિયન 2022 લખેલું છે.
વર્લ્ડ કપમાં જીત બાદ કંઈક ખાસ કરવા માંગતો હતો મેસ્સી
એક રિપોર્ટ અનુસાર લિયોનેલ મેસ્સી વર્લ્ડ કપમાં શાનદાર જીત બાદ કંઈક ખાસ કરવા માંગતો હતો. તેણે બિઝનેસમેન બેન લિયોન્સનો સંપર્ક કર્યો અને પછી સોનાના આઈફોન પર આપવાનું નક્કી કર્યું. જો કે રિપોર્ટમાં એવું પણ કહેવામાં આવ્યું છે કે મેસ્સીને ફોનની ડિલિવરી તેના એપાર્ટમેન્ટમાં મળી પણ ગઈ છે. જણાવી દઈએ કે આર્જેન્ટિનાએ ફ્રાન્સને હરાવીને FIFA વર્લ્ડ કપ 2022 જીત્યો હતો અને આ મેસ્સીની પ્રથમ વર્લ્ડ કપ ટ્રોફી હતી. મેસ્સી આ ક્ષણની ઉજવણી કરવા માટે કંઈક ખાસ કરવા માંગતો હતો, ત્યારબાદ તેણે iDesign Goldના CEO બેન લિયોનનો સંપર્ક કર્યો અને પછી ગોલ્ડ ફોનની ડિઝાઈન મેળવી હતી.
લિયોનેલ મેસ્સીએ કુલ ખર્ચ્યા આટલા રૂપિયા
લિયોનેલ મેસ્સીએ 35 ગોલ્ડ આઇફોન માટે $210000 ખર્ચ્યા છે. તમારી જાણકારી માટે જણાવી દઈએ કે 18 ડિસેમ્બર, 2022ના રોજ લિયોનેલ મેસ્સીની કેપ્ટન્સીમાં આર્જેન્ટિના ફ્રાન્સને પેનલ્ટી શૂટઆઉટમાં 4-2થી હરાવીને વર્લ્ડ ચેમ્પિયન બની હતી.