મોદી સરકારની સ્ટેન્ડ અપ ઈન્ડિયા સ્કીમ અંતર્ગત અનુસૂચિત જાતિ, અનુસૂચિત જનજાતિ, પછાત વર્ગ અને તમામ વર્ગની મહિલાઓને વ્યવસાય કરવા પ્રોત્સાહન આપવા નાણાકીય સહાય પૂરી પાડવામાં આવે છે. સ્ટેન્ડ અપ ઈન્ડિયા યોજનામાં વિવિધ વર્ગના લોકોને નવો ધંધો શરૂ કરવા માટે 10 લાખ રૂપિયાથી લઈને 1 કરોડ સુધીની બિઝનેસ લોન આપવામાં આવે છે. સ્ટેન્ડ અપ ઈન્ડિયા યોજનામાં આર્થિક સહાયથી પોતાનો વ્યવસાય શરૂ કરવાની સુવિધા મળે છે. તમને જણાવી દઈએ કે વડા પ્રધાન મોદીએ 2016માં સ્ટેન્ડ અપ ઇન્ડિયા લોન સ્કિનની શરૂઆત કરી હતી.
મહિલાઓને વ્યવસાય કરવા પ્રોત્સાહન આપવા નાણાકીય સહાય મળે છે
સ્ટેન્ડ અપ ઈન્ડિયા યોજનામાં 10 લાખથી લઈને 1 કરોડ સુધીની બિઝનેસ લોન મળે છે
2016માં સ્ટેન્ડ અપ ઇન્ડિયા લોન સ્કિનની શરૂઆત કરી હતી
સ્ટેન્ડ અપ ઈન્ડિયા યોજનાના લાભ
સ્ટેન્ડ અપ ઈન્ડિયા યોજના હેઠળ લોન રાહત દરે ઉપલબ્ધ કરાવવામાં આવે છે. વ્યવસાયની શરૂઆત દરમિયાન પ્રથમ 3 વર્ષ માટે આવકવેરામાં છૂટ મળે છે. આ પછી તેના પર બેઝ રેટ સાથે 3% વ્યાજદર લાગે છે, જે ટેન્યોર પ્રીમિયમથી વધુ હોઈ શકતા નથી. આ લોન ચુકવવા માટે 7 વર્ષનો સમય મળે છે, જોકે, મોરટોરિયમનો સમય 18 મહિનાનો છે.
સ્ટેન્ડ અપ ઈન્ડિયા યોજના હેઠળ કોણ લોન લઈ શકે છે?
લોન માટે અરજી કરનાર અરજદાર અનુસૂચિત જાતિ-અનુસૂચિત જનજાતિ અથવા મહિલાનો વર્ગ આંત્રપ્રિન્યોર હોવો જોઈએ.
અરજદારની ઉંમર ઓછામાં ઓછી 18 વર્ષ હોવી આવશ્યક છે.
સરકારની આ લોન સ્કીમ ફક્ત ગ્રીન ફિલ્ડ પ્રોજેક્ટ માટે છે, એટલે કે લોન લેનારા લાભાર્થીનો આ પહેલો વેપાર હોવો જોઈએ.
લોન માટે અરજી કરનાર વ્યક્તિ કોઈપણ બેંક અથવા સંસ્થા દ્વારા ડિફોલ્ટર જાહેર કરાયેલું ન હોવું જોઈએ.
લોન અરજી માટે જરૂરી દસ્તાવેજો
સ્ટેન્ડ અપ ઈન્ડિયા યોજનામાં ઓળખકાર્ડ તરીકે આધારકાર્ડ, પાનકાર્ડ, મતદાર ઓળખકાર્ડ, રહેઠાણનું પ્રમાણપત્ર વગેરે હોવું જોઈએ.
અનુસૂચિત જાતિ અને અનુસૂચિત જનજાતિના લોકો માટે જાતિનું પ્રમાણપત્ર હોવું જોઈએ. જ્યારે મહિલાઓ માટે જાતિનું પ્રમાણપત્ર જરૂરી નથી.
બિઝનેસ એડ્રેસ સર્ટિફિકેટ તરીકે પાનકાર્ડ, પાસપોર્ટ સાઇઝ ફોટો, બેંક ખાતાની વિગતો અને આવકવેરા રિટર્નની કોપી હોવી જોઈએ.
જો વ્યવસાયિક જગ્યા ભાડા પર હોય તો તેના માટે ભાડાનું કરાર જરૂરી છે.
આ રીતે કરો એપ્લાય
જો તમે આ શરતોને પૂર્ણ કરો છો તો તમે કોઈપણ બેંકમાં જઈ શકો છો અને લોન લઈ શકો છો. સાથે જ સ્ટેન્ડ-અપ ઈન્ડિયાની સત્તાવાર વેબસાઇટ standupmitra.in પર જઈને લોન માટે ઓનલાઇન અરજી કરી શકો છે.
વેબસાઈટ ઓપન થતાં જ તમને લેફ્ટ સાઈડ નીચે તરફ You May Access Loan દેખાશે. જેમાં Apply Here પર ક્લિક કરવું.
પછી એક વિન્ડો ઓપન થશે. અહીં તમારે મોબાઈલ નંબર, નામ અને ઈમેલ આઈડી ભરવી પડશે. ત્યારબાદ Generate OTP પર ક્લિક કરો.
રજિસ્ટર મોબાઈલ નંબર પર એક ઓટીપી આવશે. પછી લોન એપ્લિકેશનની તમામ પ્રક્રિયા સૂચનો અનુસાર પૂર્ણ કરવાની રહેશે. સ્ટેન્ડ અપ ઈન્ડિયાની સત્તાવાર વેબસાઇટ પર તમે ઓનલાઇન અરજી કરી શકો છો.