ચાલુ વર્ષે પ્રમાણમાં સારો વરસાદ પડ્યો હોવા છતાં ખરીફ વાવેતરમાં ઘટાડો થયો હોવાનું સામે આવ્યું છે. જ્યારે કપાસ, સોયાબીનનું મબલક વાવેતર થયું છે.
ચાલુ વર્ષે વરસાદ છતા ખરીફ વાવેતરમા ઘટાડો
રાજ્યમા ૭૦.૨૪ લાખ હેક્ટરમા ખરીફ વાવેતર થયું
ચાલુ વર્ષે કપાસના વાવેતરમા થયો વધારો
રાજ્યમાં ખરીફ પાકના વાવેતરમાં ઘટાડો થયો છે. આ વર્ષે રાજ્યમાં 70.24 લાખ વિસ્તારમાં ખરીફ પાકનું વાવેતર થયું છે. જેમાં આ વર્ષે કપાસના વાવેતરમાં વધારો થયો છે. જ્યારે મગફળીના વાવેતરમાં ઘટાડો થયો છે. સાથે આ વર્ષે સોયાબીનનું વાવેતર પણ મબલખ પ્રમાણમાં થયું છે. જ્યારે કૃષિ મંત્રી રાઘવજી પટેલે વિપરીત નિવેદન આપ્યું છે. તેમણે કહ્યું કે, આ વર્ષે સિઝનનો પ્રથમ વરસાદ સારો આવ્યો છે. વરસાદને કારણે વાવેતરમાં ઘટાડો થયો હોય એવું નથી. ઘણા ખેડૂતો ચોમાસાને બદલે શિયાળામાં વાવેતર કરતા હોય છે. આ વર્ષનું વાવેતર સંતોષકારક છે.
ચાલુ વર્ષે વરસાદ છતા ખરીફ વાવેતરમા ઘટાડો થયો છે.
રાજ્યમાં ચાલુ વર્ષે સારો વરસાદ પડ્યો છે સામે બાજુ પાકના વાવેતરમાં ઘટાડો નોંધાયો છે. ચાલુ વર્ષે કપાસના વાવેતરમાં વધારો થયો છે. તો રાજ્યમાં મગફળીના વાવેતરમાં ઘટાડો થયો છે. અને રાજ્યમાં સોયાબીનનું મબલખ વાવેતર થયું હોવાનું સામે આવ્યું છે.ચાલુ વર્ષે રાજ્યમા ૭૦.૨૪ લાખ હેક્ટરમા ખરીફ વાવેતર થયું છે. જ્યારે ગત વર્ષે ૭૦.૬૭ લાખ હેક્ટર વિસ્તારમા ખરીફ પાકનું વાવેતર થયું હતું. જેની સરખામણીએ આ વધે ખરીફ પાકના વાવેતરમાં ઘટાડો થયો છે. પરંતુ ચાલુ વર્ષે કપાસના વાવેતરમા વધારો થયો છે. કપાસનું ૨૫.૪ લાખ હેક્ટર વિસ્તારમા ૧૦૪ ટકા વાવેતર થયું છે. તો બાજરીનું વાવેતર ૧.૭૫ લાખ હેક્ટર મા ૧૦૧ ટકા વાવેતર થયું છે. જ્યારે રાજ્યમાં મગફળીનું વાવેતર ઘટ્યું છે. મગફળીનું ગત વર્ષે ૧૮.૯૩ લાખ હેક્ટર વિસ્તાર વાવેતર હતું. ત્યારે ચાલુ વર્ષે મગફળી નું ૧૬.૭૨ લાખ હેક્ટર વિસ્તારમા વાવેતર થયું છે.
૬.૬૭ લાખ હેક્ટરમાં ડાંગરનું વાવેતર કરાયું
ડાંગરનું ચાલુ વર્ષે ૬.૬૭ લાખ હેક્ટર વિસ્તારમા ૭૯.૯૦ ટકા વાવેતર થયું છે. જ્યારે મકાઈ નું ૨.૮૧ લાખ હેક્ટર વિસ્તારમા ૯૫.૮૨ ટકા વાવેતર થયું છે. રાજ્યમાં સોયાબીનનું મબલખ વાવેતર થયું છે. સોયાબીનનું ૨.૧૧ લાખ હેક્ટર વિસ્તારમા ૧૩૩ ટકા વાવેતર કરવામાં આવ્યું છે. તો બીજી બાજુ લીલા શાકભાજીનું ૧.૮૨ લાખ હેક્ટર વિસ્તારમા ૭૨ ટકા વાવેતર કરવામાં આવ્યું છે. વધુમાં સિઝનનો પહેલો આવો સારો વરસાદ અગાઉ ક્યારેય નથી થયો તેમ પણ કૃષિ મંત્રી રાઘવજી પટેલે ઉમેર્યું હતું.