થોડા દિવસ પહેલા નયનતારા અને વિગ્નેશ શિવને પ્રભુતામાં પગલા માંડ્યા છે. તો હાલમાં થાઈલેન્ડમાંથી અભિનેત્રીએ પોતાની એક સુંદર તસ્વીર સોશિયલ મીડિયામાં શેર કરી છે.
થાઈલેન્ડમાં નયનતારા અને વિગ્નેશ શિવન માણી રહ્યાં છે હનીમૂન
હાલમાં નયનતારા અને વિગ્નેશ શિવન પોતાના હનીમૂન પીરિયડને માણી રહ્યાં છે. થાઈલેન્ડમાંથી અભિનેત્રીની એક સુંદર તસ્વીર સોશિયલ મીડિયામાં વાયરલ થઇ રહી છે. આ તસ્વીરને તેના પતિ વિગ્નેશે તેના ઈન્સ્ટાગ્રામ પર શેર કરી છે. આ તસ્વીરથી અભિનેત્રીના ચાહકો ઓળઘોળ થયા છે.
પત્ની માટે વિગ્નેશે લખી કેપ્શન
નયનતારા અને વિગ્નેશ શિવન સોશિયલ મીડિયામાં ખૂબ સક્રિય રહે છે. બંનેએ હાલમાં પોતાની હનીમૂનની કેટલીક સુંદર તસ્વીરો સોશિયલ મીડિયામાં પ્રશંસકો માટે શેર કરી છે. આ તસ્વીરે બધાનુ ધ્યાન પોતાની તરફ ખેંચ્યુ છે. પોતાની પત્ની નયનતારાની તસ્વીર તેના સોશિયલ મીડિયા પર પોસ્ટ કરી વિગ્નેશે તેની સાથે એક કેપ્શન પણ આપ્યું છે, જેની પર બધાનુ ધ્યાન ખૂબ ગયુ છે. પોતાના કેપ્શનમાં વિગ્નેશે લખ્યું છે કે આ તે વખતની તસ્વીર છે, જ્યારે તે મારો ફોટો ખેંચતી હતી અને હું તેનો..
હાલમાં લગ્નના બંધનમાં બંધાયેલા સાઉથની આ જોડીને તેના ચાહકો તરફથી ભરપૂર પ્રેમ મળ્યો છે. વાયરલ થયેલી તસ્વીરમાં નયનતારાએ ક્રોપ ટૉપની સાથે જીન્સ કેરી કર્યુ છે, જેમાં તે અત્યંત સુંદર લાગી રહી છે. વ્હાઈટ ક્રોટ ટૉપની સાથે બ્લૂ જીન્સમાં અભિનેત્રી ઘણી કૂલ દેખાઈ રહી છે.