વાયરલ / ના હોય! રસ્તા પર થયો નોટોનો 'વરસાદ', લોકોએ પડાપડી કરીને મચાવી લૂંટ, હવે FBI કરશે તપાસ

• શું તમે ક્યારેય રોડ પર નોટોનો વરસાદ જોયો છે?
• સાઉથ કેલિફોર્નિયાના રસ્તા પર લોકોએ કાર રોકીને રૂપિયા લૂંટ્યા
• આ ઘટનાનો વીડિયો સોશિયલ મીડિયામાં વાયરલ

રસ્તા પર નોટોનો વરસાદ

રસ્તા પર નોટો ઉડતી જોવા મળી. એક ટ્રકમાં બંધ કરવામાં આવેલી નોટો રસ્તા પર પડતી હતી. પછી શું હતુ. આખા હાઈવે પર ચક્કાજામ થયો. લોકો કાર ઉભી રાખી રાખીને નોટ લૂંટી રહ્યાં હતા. કોઈ વ્યક્તિએ આ વીડિયો બનાવી લીધો. જે હવે સોશિયલ મીડિયામાં વાયરલ થઈ રહ્યો છે. અધિકારીઓના જણાવ્યાં મુજબ, આ ઘટના સવારે 9:15 વાગ્યે ઘટી હતી. જ્યારે એક ટ્રક સૈન ડિએગોથી ફેડરલ ડિપોઝીટ ઈન્શ્યોરન્સ કોર્પના એક ઓફિસ તરફ જતી હતી. ટ્રકમાં રાખવામાં આવેલી બેગ ખુલી ગઇ. ત્યારબાદ સાઉથ કૈલિફોર્નિયાના કાર્લ્સબૈડમાં રસ્તા પર નોટનો વરસાદ થવા માંડ્યો. વીડિયોમાં જોઈ શકાય છે કે ઘણી નોટ નીચે પડી છે.

અધિકારીઓએ લોકોને નોટો પાછી આપવાનો આગ્રહ કર્યો

બૉડી બિલ્ડર ડેમી બાગબીએ પોતાના ઈન્સ્ટાગ્રામ પેજ પર વીડિયો શેર કરતા લખ્યું છે, આ પાગલ કરનારી વસ્તુ છે. ખરેખર, કોઈ પણ વ્યક્તિ પૈસા લૂંટવા માટે રસ્તા પર રોકાઈ જતો હતો. જોકે, અધિકારીઓએ લોકોને નોટ પાછી આપવાનો આગ્રહ કર્યો છે. અધિકારીઓએ સ્પષ્ટતા કરી નથી કે કેટલા પૈસા ગાયબ છે. સૈન ડિએગો યુનિયન ટ્રીબ્યુન મુજબ, કેટલાંક લોકોએ શુક્રવાર બપોર સુધી સીએચપીને નોટો પાછી મોકલી દીધી હતી.

 

 

 

 

View this post on Instagram

 

 

 

 

 

 

 

 

 

 

 

A post shared by DEMI BAGBY (@demibagby)

રોકડથી ભરેલી બેગ બહાર પડી ગઇ હતી

આ ઘટના અંગે વાતચીત કરતા સાર્જન્ટ કર્ટીસ માર્ટીને કહ્યું, કારનો એક દરવાજો ખુલ્યો અને રોકડા રૂપિયાથી ભરેલી બેગ બહાર પડી ગઇ. ઘટનાસ્થળ પરથી બે લોકોની ધરપકડ કરવામાં આવી હતી. સાર્જન્ટ માર્ટીને ચેતવણી આપી કે જેણે પણ ત્યાંથી પૈસા ઉપાડ્યા છે, તે પાછા આપી દે નહીંતર તેના વિરુદ્ધ કાયદાકીય કાર્યવાહી કરવામાં આવશે. ઘટનાસ્થળે  ઉપસ્થિત રહેલા લોકો દ્વારા બનાવવામાં આવેલા વીડિયોનો ઉલ્લેખ કરીને સાર્જન્ટ માર્ટીને કહ્યું કે સીએચપી અને એફબીઆઈ મામલાની તપાસ કરી રહ્યાં છે. ઘટનાના બે કલાક બાદ કેલિફોર્નિયા હાઈવેને ફરીથી ખોલી દેવામાં આવ્યો.