IND vs SA / નસીબની વાત, ટૉસ જીતવા માટે સાઉથ આફ્રિકાના 2 કેપ્ટન આવ્યા, પણ જીત તો વિરાટની થઇ

• ટીમ ઇન્ડિયા વિરુદ્ઘ રાંચી ટેસ્ટમાં ટૉસ માટે સાઉથ આફ્રિકાના 2 કેપ્ટન 
• સાઉથ આફ્રિકાની ટીમે લક માટે 2 કેપ્ટન ઉતાર્યા, તેમ છતાં ટૉસ હારી ગઇ
• ટૉસ જીતીને ભારતીય કેપ્ટન વિરાટ કોહલીએ બેટિંગ કરવાનો નિર્ણય કર્યો.

વાસ્તવમાં ટૉસ જીતવા માટે સાઉથ આફ્રિકાની તરફથી 2 કેપ્ટન, નિયમિત કેપ્ટન ફાફ ડુ પ્લેસિસ અને ટોસ કેપ્ટન બાવુમા સાથે ઉતર્યા. તેમ છતાં સાઉથ આફ્રિકાની ટીમ ફરી એકવખત ટૉસ હારી ગઇ. 

ઉલ્લેખનીય છે કે, સાઉથ આફ્રિકાના કેપ્ટન ફાફ ડુ પ્લેસિસે એશિયામાં સતત 9 ટોસ હારી ચૂક્યો છે. આજ કારણે રાંચીમાં ટૉસ માટે તેઓ પોતાની સાથે બાવુમાને લઇને આવ્યા. જોકે તેમ છતાં ટૉસના પરિણામમાં કોઇ પરિવર્તન  ના આવ્યુ. આમ જોવા જઇએ કે, તેની કેપ્ટન્સીમાં સાઉથ આફ્રિકાએ એશિયમાં સતત 10 ટૉસ હાર્યા છે. આ પહેલી વખત નથી જ્યારે ફેફ ડુ પ્લેસિસ પોતાની સાથે ટૉસમાં અન્ય કોઇ કેપ્ટનને લઇને આવ્યો હોય. 

Virat Kohli called it a no-brainer to bat first at the Toss #TeamIndia #INDvSA @Paytm 🇮🇳🇮🇳 pic.twitter.com/3V4fKvcVWr

— BCCI (@BCCI) October 19, 2019

આ પહેલા પણ ગત વર્ષે ઓક્ટોબરમાં સાઉથ આફ્રિકા અને ઝિમ્બાબ્વેની વચ્ચે ઇન્ટરનેશનલ T-20 મેચ રમાઇ હતી, જેમાં ફાફ ડુ પ્લેસિસની જગ્યાએ જેપી ડ્યૂમિની ટૉસ માટે આવ્યા હતા, જોકે રસપ્રદ વાત તો એવી છે કે, તે પ્લેઇંગ ઇલેવનનો પણ ભાગ ન હતો. 

ટીમ ઇન્ડિયાની પ્લેઇંગ 11:

વિરાટ કોહલી (કેપ્ટન), અજિંક્ય રહાણે (ઉપ-કપ્તાન), રોહિત શર્મા, મયંક અગ્રવાલ, ચેતેશ્વર પૂજારા, રવિચંદ્રન અશ્વિન, રવિન્દ્ર જાડેજા, રિદ્ધિમાન સાહા (વિકેટકીપર), મોહમ્મદ શમી, ઉમેશ યાદવ અને શાહબાઝ નદીમ

સાઉથ આફ્રિકાની પ્લેઈંગ 11:

ફાફ ડુ પ્લેસિસ (કેપ્ટન), ટેમ્બા બાવુમા, ઝુબેર હમઝા, ક્વિન્ટન ડી કોક (વિકેટકીપર), ડિન એલ્ગર, હેનરીચ ક્લાસેન (વિકેટકીપર), લૂંગી ગિડી, એર્નિચ નોર્ટજે, જોર્જ લિન્ડે, ડેન પીટ અને કાગિસો રબાડા