રાજસ્થાનના ધૌલપુર જિલ્લામાં જમાઈને તેના સાસરીયા પક્ષે તેનું સન્માન કરવાને બદલે લાકડી-ડંડા વડે મારામારી કરી. આ સાથે જમાઈ સાથે આવેલા તેના કાકાના દીકરાની સાથે પણ મારામારી કરી. પોલીસે સાસરીયા પક્ષ સામે ગુનો નોંધી કાર્યવાહી શરૂ કરી છે.
સાસરીયા પક્ષે જમાઈનું સન્માન કરવાના બદલે કરી મારામારી
સાળા અને સાસુએ ભેગા થઈ જમાઈને લાકડી-ડંડા વડે માર્યો
પોલીસે સાસરીયા પક્ષ સામે ગુનો નોંધી કાર્યવાહી શરૂ કરી
ઘાયલ જમાઈને સારવાર માટે હોસ્પિટલમાં કર્યો દાખલ
પોલીસે ગ્રામ્ય લોકોની મદદ લઈને ઘાયલ જમાઈને સારવાર માટે જિલ્લા હોસ્પિટલમાં દાખલ કર્યો છે. જ્યાં તેની સારવાર ચાલી રહી છે. ઘાયલ થયેલા જમાઈ રાજેશે જણાવ્યું કે સોમવારે મજૂરી માટે અમદાવાદ જવાનુ હતુ. આ પહેલા તેનો સાળો રાજવીર તેની પત્ની ભગવાન દેવીને લઇને સાસરી લઇ ગયો. અમદાવાદ જવા માટે રાત્રે 9 વાગ્યાની ટ્રેન હતી તો તે પોતાના કાકાના દીકરા રામકેશની સાથે કામરે કા પુરા ગામમાં સાસરીમાં ગયો. જમાઈના કાકાનો દીકરો દારૂના નશામાં હતો. જમાઈએ તેમના સાસરીયા પક્ષવાળાને તેની ખાતેદારી કરવાનુ કહ્યું. તો તેના સાળા રાજવીર અને સાસુએ લાકડી અને ડંડા વડે મારામારી કરી. મારામારી દરમ્યાન રાજેશની સાથે આવેલો તેનો કાકાનો દીકરો ભાગી ગયો. સાસરીયા પક્ષના લોકોએ જમાઈને સારો એવો મેથીપાક આપ્યો.
સાસરીયા પક્ષ વિરુદ્ધ નોંધાયો કેસ
મારામારીની સુચના મળતા ઘટનાસ્થળે પહોંચેલી કોતવાલી પોલીસે ગ્રામ્ય લોકોની મદદથી ઘાયલ યુવકને સારવાર માટે હોસ્પિટલમાં દાખલ કર્યો. હાલ તેની સારવાર ચાલી રહી છે. કોતવાલી પોલીસ સ્ટેશનના એસએચઓ અધ્યાત્મ ગૌતમે જણાવ્યું કે સાસરીયા પક્ષના લોકો વિરુદ્ધ કેસ નોંધી તપાસ શરૂ કરી છે.