ક્રિકેટ / વડોદરાની વેલીયન્ટ ક્લબ ચેમ્પિયનશીપની ફાઈનલમાં સિયોન સ્પોર્ટ્સ ક્રિકેટ ક્લબનો ભવ્ય વિજય

• ગ્રુપ A અને Bમાં 8 ટીમો વચ્ચે કુલ 13 મેચ રમાઈ 
• પૂર્વ ભારતીય ક્રિકેટર ચેતન શર્માએ હાજરી આપતા ખેલાડીઓમાં ઉત્સાહ 
• ક્રિકેટરોએ vtvgujarari.comના સ્ટીકર વાળા બેટથી ચોગ્ગા છક્કા ફટકાર્યા

વડોદરામાં ચાલી રહેલી વેલીયન્ટ ક્લબ ચેમ્પિયનશીપ 2019 3જી સીઝનમાં સિયોન સ્પોર્ટ્સ ક્રિકેટ ક્લબનો 10 વિકેટે ભવ્ય વિજય થયો છે. વડોદરાના SRPFના મેદાનમાં રમાયેલી આ મેચમાં હરીશ શર્મા ક્રિકેટ ક્લબે ટૉસ જીતીને બેટિંગ લીધી હતી. 

હરીશ શર્મા ક્રિકેટ ક્લબના બેટ્સમેન મિહિર મોર્યાએ 34 બોલમાં 37 રન નોંધાવ્યા હતા જેની મદદથી હરીશ શર્મા ક્રિકેટ ક્લબે 20 ઓવરમાં 147 રન 5 વિકેટના નુકશાને નોંધાવ્યા હતા. 

આ લક્ષ્યાંકનો પીછો કરતા સિયોન સ્પોર્ટ્સ ક્રિકેટ ક્લબના બેટ્સમેનોએ ઝંઝવાંતભર્યું પ્રદર્શન કરતા ફક્ત 13 ઓવરમાં વિના વિકેટે 149 રન ફટકારીને ટાર્ગેટ પૂરો કર્યો હતો અને 10 વિકેટે ભવ્ય જીત મેળવી હતી. 

આ જીત સાથે ગ્રુપ A અને Bમાં 8 ટીમો વચ્ચે રમાયેલી કુલ 13 મેચની વેલીયન્ટ ક્લબ ચેમ્પિયનશીપ 2019ની 3જી સીઝન જીતી લીધી હતી. 

ચેતન શર્માએ હાજરી આપી

ભારતીય ક્રિકેટ ટીમના ભૂતપૂર્વ ખેલાડી ચેતન શર્માએ 1 દિવસ માટે આવીને ખેલાડીઓ સાથે સમય વિતાવ્યો હતો. ખેલાડીઓએ ચેતન શર્મા સાથે તસવીરો લીધી હતી. ચેતન શર્માની હાજરીથી ખેલાડીઓમાં ઉત્સાહનો સંચાર થયો હતો.