પંજાબ / જેલમાં બંધ ગાયક દલેર મહેંદીની એકાએક તબિયત લથડતા હોસ્પિટલમાં દાખલ, જુઓ હાલ કેવી છે સ્થિતિ?

• પંજાબી ગાયક દલેર મહેંદીની ગઈકાલ રાત્રે તબિયત લથડી
• ધૂંધળું દેખાવવાની ફરિયાદ કરતા હોસ્પિટલમાં દાખલ કરવામાં આવ્યા

દલેર મહેંદી છેલ્લા ઘણાં સમયથી ચર્ચાની વિષય બની રહ્યા છે. માનવ તસ્કરીના કેસમાં દલેર મેહંદીને હાલ જેલમાં સજા ભોગવી રહ્યા છે. એવામાં એક મોટા સમાચાર સામે આવ્યા છે. પટિયાલાની સેન્ટ્રલ જેલમાં બંધ પંજાબી ગાયક દલેર મહેંદીની ગઈકાલ રાત્રે તબિયત લથડતા તેને ખાનગી હોસ્પિટલમાં દાખલ કરવામાં આવ્યા છે. 

એક મીડિયા રીપોર્ટ અનુસાર દલેર મહેંદીને મોહાલીની ફોર્ટિસ હોસ્પિટલમાં દાખલ કરવામાં આવ્યો છે અને આંખની જૂની બિમારીને કારણે તેની સારવાર કરવામાં આવી રહી છે. પંજાબી ગાયક દલેર મહેંદી 20 જુલાઈથી પટિયાલા સેન્ટ્રલ જેલમાં બંધ છે. મળતી માહિતી અનુસાર દલેર મહેંદીએ ગઈ કાલ રાત્રે જેલમાં બ્લર વિઝન એટલે કે ધૂંધળું દેખાવવાની ફરિયાદ કરતા તેને જેલ પ્રશાસનના મેડિકલ બોર્ડનાં ડોકટર પાસે લઇ જવામાં આવ્યા હતા અને એ પછી બોર્ડની ભલામણના આધારે તેને મોહાલીની ફોર્ટિસ હોસ્પિટલમાં દાખલ કરવામાં આવ્યા હતા. હાલ એમની સ્થિતિ સ્થિર છે. 

Punjabi singer #DalerMehndi's health deteriorates, taken to Mohali hospital#health #Mohalihospital #CentralJail #Patiala #DalerMehndicase #latestnewshttps://t.co/svoG5Ulr25

— ਪੀਟੀਸੀ ਨਿਊਜ਼ | PTC News (@ptcnews) August 14, 2022

મેંહદીને 2 વર્ષની કેદ અને 2 હજાર રુપિયાનો દંડ
મહેંદી પર આરોપ છે કે તેમણે ગેરકાયદેસર રીતે લોકોને વિદેશ મોકલ્યાં હતા. પટિયાલાની જ્યુડિશિયલ મેજિસ્ટ્રેટ કોર્ટે મેંહદીને 2 વર્ષની કેદ અને 2 હજાર રુપિયાના દંડની સજા કરીઅને તેમને પટિયાલા સેન્ટ્રલ જેલમાં મોકલી આપવામાં આવ્યાં હતા. દલેર મહેંદી 20 જુલાઈથી પટિયાલા સેન્ટ્રલ જેલમાં બંધ છે. 

દલેર મહેંદી સામે 2003 માં કેસ નોંધવામાં આવ્યો હતો. તેના પર આરોપ હતો કે તેણે ગેરકાયદેસર રીતે લોકોને વિદેશ મોકલ્યા હતા. એવું કહેવામાં આવતું હતું કે દલેર મહેંદીએ આમ કરવા માટે લોકો પાસેથી તગડી રકમ વસૂલી હતી. 1998 અને 1999 દરમિયાન, દલેર મહેંદીએ સાન ફ્રાન્સિસ્કો અને ન્યૂ જર્સીમાં ઓછામાં ઓછા 10 લોકોને ગેરકાયદેસર રીતે મોકલ્યા હતા. ત્યારબાદ દલેર મહેંદી અને તેના સ્વર્ગસ્થ ભાઈ શમશેર સિંહ વિરુદ્ધ કેસ દાખલ કરવામાં આવ્યો હતો. કેસ નોંધાયા બાદ બંને ભાઈઓ સામે 35 જેટલી ફરિયાદો મળી હતી.