સુશાંતસિંહ રાજપૂતનાં અવસાન બાદથી તેમના પરિવારમાં દુ:ખનો પર્વત છે. અભિનેતાના પિતા તેમના પુત્રને ગુમાવવાના આંચકામાંથી બહાર આવ્યાં નથી. સુશાંતની બહેનો પણ ખુબ દુ:ખી છે. એકમાત્ર ભાઇને ગુમાવ્યા બાદ બહેનો ખૂબ દુ:ખી છે.
સુશાંતની બહેને લખી ઇમોશનલ નોટ
એકના એક ભાઇને ગુમાવીને છે હતાશ
સુશાંતની બહેન શ્વેતા સિંહ વિદેશમાં રહે છે. સુશાંતના મોત બાદ હવે તે પટના પહોંચી ગઈ છે. શ્વેતાસિંહે ફેસબુક પર ભાઈ સુશાંતને શ્રદ્ધાંજલિ આપી છે. આ નોટ ખૂબ જ ભાવનાત્મક છે. તેની બહેને લખ્યું- મારા ભાઇ તારે આવી પિડામાંથી પસાર થવુ પડ્યુ તેના માટે મને માફ કરજે. કદાચ એવુ થઇ શકે તો હું મારી બધી ખુશી તને આપીને તારા બધા દુ:ખ લઇ લેવા તૈયાર છુ. મારા બેબી મને ખબર છે તુ એક ફાઇટર હતો.
તારી સ્પાર્કલિંગ આંખોએ દુનિયાને સપના જોતા શીખવાડ્યુ, તારી એ ભોળી સ્માઇલે બધાને પ્યોરિટી શીખવાડી છે. તને બધા જ લોકો પ્રેમ કરે છે અને કરતા રહેશે. તું જ્યાં પણ હોય ત્યાં ખુશ રહેજે. તને બધા જ લોકો નિસ્વાર્થ પ્રેમ કરે છે ભાઇ.
સાથે જ શ્વેતાએ બધાને કહ્યું કે, જ્યારે તમારી પાસે વિકલ્પ હોય ત્યારે, નફરતની જગ્યાએ પ્રેમ, ગુસ્સાની જગ્યાએ ક્ષમા, કરતા શીખો. તમે બધાને માફ કરો કારણકે દરેક વ્યક્તિ પોતાની અલગ લડાઇ લડી રહી છે. કોઇના પણ માટે દિલમાં નફરત ના ભરો.
એકના એક ભાઇને ગુમાવ્યાનુ દુ:ખ શ્વેતા સહી રહી છે. આ પોસ્ટ વાંચ્યા બાદ લોકો ખૂબ ઇમોશન થઇ ગયા હતા.