Ind vs Aus / ગિલ તુસી ગ્રેટ હો! શુભમન ગિલે કાંગારુંના બોલરને હંફાવ્યા, ચોગ્ગાના વરસાદ સાથે ફટકારી સદી

• શુભમન ગિલે ટેસ્ટ કારકિર્દીની બીજી સદી ફટકારી
• 194 બોલમાં એક છગ્ગા અને 10 ચોગ્ગા માર્યા 
• કેએલ રાહુલની જગ્યાએ ટીમમાં સામેલ કરવામાં આવ્યો હતો

ભારત અને ઓસ્ટ્રેલિયા (IND vs AUS) વચ્ચે બોર્ડર ગાવસ્કર ટ્રોફીની છેલ્લી ટેસ્ટ મેચ (IND v AUS 4થી ટેસ્ટ) અમદાવાદમાં રમાઈ રહી છે. મેચના ત્રીજા દિવસે ભારતીય ઓપનર શુભમન ગિલે તેની ટેસ્ટ કારકિર્દીની બીજી સદી ફટકારીને ભારતની સ્થિતિ મજબૂત કરી હતી. 

ચોથી ટેસ્ટ મેચમાં યુવા ઓપનર શુભમન ગિલે શાનદાર બેટિંગ કરતા સદી ફટકારી છે. જણાવી દઈએ કે શુભમને શાનદાર બેટિંગ કરતા 194 બોલમાં એક છગ્ગા અને 10 ચોગ્ગાની મદદથી પોતાની સદી પૂરી કરી હતી અને આ તેની ટેસ્ટ કારકિર્દીની બીજી સદી છે. હાલની પરિસ્થિતિ જોતાં લાગી રહ્યું છે કે શુભમન ગિલની આ ઈનિંગ તેને વર્લ્ડ ટેસ્ટ ચેમ્પિયનશિપમાં ટીમનો ભાગ બનવામાં મદદ કરશે. 

Tea on Day 3 of the 4th Test@ShubmanGill (103*) and Pujara (42) stitch a fine 113 run partnership in the second session on Day 3.

Scorecard - https://t.co/8DPghkwsO6 #INDvAUS @mastercardindia pic.twitter.com/bsTIEWfVRz

— BCCI (@BCCI) March 11, 2023

નોંધનીય છે કે શુભમન ગિલ માટે આ ખૂબ જ મહત્વપૂર્ણ ઇનિંગ છે કરણ કે તેને કેએલ રાહુલની જગ્યાએ ટીમમાં સામેલ કરવામાં આવ્યો હતો. રાહુલ છેલ્લા ઘણા સમયથી ખરાબ ફોર્મમાંથી પસાર થઈ રહ્યો હતો અને તેને ટીમમાં રાખવા બદલ મેનેજમેન્ટની ટીકા થઈ હતી જે બાદ ગિલને પ્લેઈંગ 11માં સામેલ કરવામાં આવ્યો હતો. હવે આ ઈનિંગ બાદ ગિલને વર્લ્ડ ટેસ્ટ ચેમ્પિયનશિપ ફાઈનલ માટે ટીમમાં જગ્યા બનાવવામાં ઘણી મદદ મળશે.

માત્ર 4 વર્ષમાં ગિલે અત્યાર સુધીમાં 6 આંતરરાષ્ટ્રીય સદી ફટકારી છે. આ બેટ્સમેને વનડેમાં 4 સદી, ટેસ્ટમાં 2 અને T20માં 1 સદી ફટકારી છે. ગિલ ભારત માટે ત્રણેય ફોર્મેટમાં સદી ફટકારનાર ચોથો બેટ્સમેન છે. શુભમન ગીલે અંડર-19માં નામ કમાયા બાદ સિનિયર ટીમમાં જગ્યા બનાવી લીધી છે. પસંદગીકારોના ભરોસા પર જીવતા તેણે ધીમે ધીમે ત્રણેય ફોર્મેટમાં પોતાની જાતને ખરી સાબિત કરી લીધી છે.