અમદાવાદ ટી-20 / શુભમને સર્જ્યો ઈતિહાસ, ન્યુઝીલેન્ડ સામે તોડ્યો કોહલી અને રૈનાનો રેકોર્ડ, વિસ્ફોટક ઈનિંગ બાદ પોઝ તો જૂઓ

• ન્યુઝીલેન્ડ સામેની અંતિમ ટી-20માં શુભમન ગીલની ધમાકેદાર ઈનિંગ
• 54 બોલમાં 126 રન કરીને ભારતને પહાડી સ્કોર કરવામાં કરી મોટી મદદ
• ફટકારી ટી-20 કરિયરની પહેલી સદી
• કોહલી અને રૈનાનો રેકોર્ડ તોડ્યો

અમદાવાદનું નરેન્દ્ર મોદી સ્ટેડિયમ ટીમ ઈન્ડીયાના યુવા ક્રિકેટર શુભમન ગીલને ફળ્યું છે. સિરિઝ જીતવા પૂરો દાવો લગાવી દેનાર  શુભમન ગીલે અંતિમ ટી20માં એક શાનદાર કારનામું કરી દેખાડ્યું હતું. શુભમન ગીલે તેની ટી-20 કરિયરની પહેલી સદી ફટકારી હતી.  ગિલ માત્ર 63 બોલમાં 126 રન બનાવીને અણનમ રહ્યો હતો અને ભારતે ટોસ જીતીને પ્રથમ બેટિંગ કરવાનું પસંદ કર્યા બાદ 234/4 નો જંગી સ્કોર ખડક્યો હતો. આ ભારતનો ન્યુઝીલેન્ડ સામેનો અત્યાર સુધીનો સર્વોચ્ચ ટી-20 અને ઓવરઓલ પાંચમો હાઈએસ્ટ સ્કોર છે. 

Shubman Gill's maiden ton in shortest format helps India post 234 for 4 in third T20I against New Zealand#IndvsNZ

— Press Trust of India (@PTI_News) February 1, 2023

શુભમનની સદીને કારણે ભારતે કર્યો વિશાળ સ્કોર
શુભમન ગીલની ધમાકેદાર સદીને કારણે જ ભારતે અંતિમ ટી-20માં ન્યુઝીલેન્ડને વિશાળ સ્કોર આપ્યો હતો. ભારતે પહેલા બેટિંગ કરીને ન્યુઝીલેન્ડને 235 રનનો ટાર્ગેટ આપ્યો હતો. 

Stat Alert 🚨- Shubman Gill now has the highest individual score by an Indian in T20Is 💪👏#TeamIndia pic.twitter.com/8cNZdcPIpF

— BCCI (@BCCI) February 1, 2023

સદી બાદ શુભમને મનાવ્યો જશ્ન
સદી ફટકાર્યા બાદ શુભમન પણ ગેલમાં આવ્યો હતો અને તે હેલ્મેટ ઉતારીને વાંકો વળી ગયો હતો અને જોરદાર રીતે પોઝ આપ્યો હતો. 

શુભમને તોડ્યો કોહલી અને રૈનાનો રેકોર્ડ 
ગિલે ભારતીય ક્રિકેટ માટે ઇતિહાસ રચ્યો હતો કારણ કે તેણે સુરેશ રૈનાને પાછળ છોડીને ટી-20 સદી ફટકારનારો સૌથી નાની ઉંમરનો ભારતીય ખેલાડી બન્યો છે. ગિલે 23 વર્ષ અને 146 દિવસમાં આ સિદ્ધિ હાંસલ કરી હતી, જે રૈનાથી માત્ર 10 દિવસ દૂર હતી. રૈનાએ 2010માં દક્ષિણ આફ્રિકા સામે 23 વર્ષ અને 156 દિવસની ઉંમરે 101 રન ફટકાર્યા હતા. આ મેચમાં શુભમનને 54 બોલમાં 126 રન ફટકાર્યાં હતા જે કોઈ ભારતીય ખેલાડી દ્વારા સૌથી વધુ વ્યક્તિગત ટી -20 સ્કોર છે. ગીલે થોડા મહિના પહેલા જ વિરાટ કોહલીના રેકોર્ડને ધ્વસ્ત કરી નાખ્યો હતો. કોહલીએ એશિયા કપ 2022માં અફઘાનિસ્તાન સામે 61 બોલમાં 122 રન બનાવ્યા હતા, આ રેકોર્ડ માત્ર 146 દિવસ ચાલ્યો હતો અને હવે ગીલે કોહલીનો આ રેકોર્ડ તોડી પાડ્યો છે.