IPLIN
 

બોલિવૂડ / એક સમયે આયુષ્માનનો ફેન હતો, આજે તેની સાથે કરે છે એક્ટિંગ

Team VTV 11:09 AM, 08 Feb 20 | Updated: 11:13 AM, 08 Feb 20
Follow us
Shubh Mangal Zyada Saavdhans Jitendra Kumar had once posed with Ayushmann Khurrana as a fan

વર્ષ 2019માં બોક્સ ઓફિસ પર ધમાકેદાર કમાણી કરી સ્ટારડમ હાંસલ કર્યા બાદ હવે જલ્દી આયુષ્માન ખુરાના વર્ષ 2020નું ખાતું ખોલવાનો છે. આ વર્ષની આયુષ્માનની પહેલી ફિલ્મ 'શુભ મંગલ જ્યાદા સાવધાન' છે. આ ફિલ્મ એક ગે રિલેશનશિપ પર આધારિત છે. આ ગે કપલ પરિવારજનો અને સમાજ સામે પોતાના રિલેશનને લઈને કેવી મુશ્કેલીઓમાં પડે છે અને કઈ રીતે તેમને સમજાવે છે તે દર્શાવ્યું છે.

  • આયુષ્માનનો ફેન તેની સાથે કરશે એક્ટિંગ
  • ગે રિલેશનશિપ પર આધારિત ફિલ્મમાં કરશે કામ
  • એક સમયે છુપાઈને ગયો હતો આયુષ્માનને મળવા

આયુષ્માનની ખાસિયત છે કે, તે રૂપેરી પરદે હમેશાં કંઈક નવું એક્પેરિમેન્ટ કરતા જોવા મળે છે. હાલમાં જ આયુષ્માન ફિલ્મ 'ડ્રીમ ગર્લ'માં યુવતીના અવતારમાં જોવા મળ્યો હતો. જ્યારે ફિલ્મ 'બાલા'માં તેણે એક ટાલિયા યુવાનનો રોલ ભજવ્યો હતો. હવે આયુષ્માન ટૂંક સમયમાં ગે યુવાનના રોલમાં જોવા મળશે. આ ફિલ્મમાં આયુષ્માન અને જીતેન્દ્રની જોડી જોવા મળશે. જીતેન્દ્ર આયુષ્માન સાથે ગે રિલેશનશિપમાં તેના પાર્ટનરના રોલમાં જોવા મળશે. 

તમને જણાવી દઈએ કે, આ ફિલ્મમાં આયુષ્યમાનના પાર્ટનરનો રોલ કરનાર જીતેન્દ્ર આયુષ્માન ખુરાનાનો બહુ મોટો ફેન છે. વર્ષ 2009માં જ્યારે જીતેન્દ્ર આઈઆઈટીના ખડગપુરમાં અભ્યાસ કરી રહ્યો હતો ત્યારે તેની મુલાકાત એમટીવી તરફથી ફેસ્ટિવલ કવર કરવા પહોંચેલા આયુષ્માન ખુરાના સાથે થઈ હતી.

હકીકતમાં તે આયુષ્માન ખુરાનાનો રૂમ શોધી તેના રૂમમાં ફેનની જેમ ઘૂસી ગયો હતો. જોકે, આયુષ્માને તેની પર ગુસ્સો કરવાના બદલે સારી રીતે વાત કરી અને તેની સાતે તસવીર પણ લીધી હતી. સાથે આયુષ્માન સાથે ગે રિલેશનશિપ પર ડિસ્કશન પણ કર્યું હતું.

આખરે આયુષ્માનનો આ ફેન તેનો કો-સ્ટાર બની 10 વર્ષ પછી પરદા પર એન્ટ્રી કરી રહ્યો છે. કમાલની વાત એ છે કે, આયુષ્માન અને તેના ફેન જીતેન્દ્રની જોડીની કેમેસ્ટ્રી દર્શકોને ઘણી પસંદ આવી રહી છે. હાલમાં જ રિલીઝ થયેલા ફિલ્મના ગીત 'મેરે લીયે તુમ કાફી હો'માં આ બંનેનો રોમાંસ બધાંને ગમ્યો હતો. આ ફિલ્મમાં આયુષ્માન  અને જીતેન્દ્ર સિવાય નીના ગુપ્તા, ગજરાજ રાવ, માનવી ગાગરૂ પણ જોવા મળશે. 

આયુષ્માન ખુરાના Ayushmann Khurrana Jitendra Kumar Shubh Mangal Zyada Saavdhan Bollywood
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ