કોરોના વાયરસથી લડવા માટે હવે વેક્સિનેશન શરૂ થઇ ગઇ છે. નવા વર્ષમાં લોકોને આ ગિફ્ટ મળી છે. ભારમાં વેક્સિનેશનની પ્રક્રિયા તેજ થઇ ગઇ છે. હમ, ગોપી કિશન, આંખે, બેવફા સનમ, ખુદા ગવાહ જેવી ફિલ્મોથી ફેસમ થનાર હિરોઇન શિલ્પા શિરોડકર પહેલી ભારતીય એક્ટ્રેસ બની છે જેણે કોરોનાની વેક્સિન લીધી છે.
પહેલી ભારતીય અભિનેત્રીને અપાઇ રસી
ભારતીય મનોરંજન જગતમાં વેક્સિન
દુબઇમાં આપવામાં આવી વેક્સિન
શિલ્પાએ ઇન્સ્ટા પર આપી જાણકારી
શિલ્પા શિરોડકરે પોતાની તસવીર સાથે આ જાણકારી ઇન્સ્ટાગ્રામ પર આપી છે. તેણે જણાવ્યું છે કે તે કેવું મહેસુસ કરી રહી છે. શિલ્પાએ ચહેરા પર માસ્ક લગાવ્યું છે અને તેના હાથ પર પટ્ટી બાંધેલી છે. કેપ્શનમાં તેણે લખ્યું કે, વેક્સિનેટેડ અને સુરક્ષિત.. આ ન્યૂ યર નોર્મલ છે. 2021 હું આવી રહી છું.
શિલ્પાની આ તસવીર સોશ્યલ મિડીયા પર ખુબ વાયરલ થઇ રહી છે. શિલ્પાને આ વેક્સિન દુબઇમાં આપવામાં આવી છે. તે લગ્ન પછી થોડો સમય ભારતમાં રહી અને બાદમાં દુબઇ જતી રહી હતી. શિલ્પાએ જણાવ્યું કે 2000માં તેના લગ્ન થઇ ગયા હતા જે બાદ તે અને તેનો પતિ 5 વર્ષ સુધી લોન્ગ ડિસ્ટન્સમાં રહ્યાં પછી તે દુબઇ જતી રહી અને ત્યાં તે પરિવાર સાથે રહે છે.
શિલ્પા કરશે વાપસી
શિલ્પા શિરોડકર જલ્દી જ મોટા પરદે વાપસી કરવા જઇ રહી છે. ફિલ્મોમાં કમબેકને લઇને શિલ્પાએ જણાવ્યું કે મારા સમયથી અત્યારનો સિનેમા બદલાઇ ગયો છે. હવે લોકો વધારે પ્રોફેશનલ થઇ ગયા છે. તેણે કહ્યું કે હું મારા કરિયરના જે સ્ટેજ પર છું ત્યાં રોમાન્ટિક લીડ કેરેક્ટર માટે ન વિચારી શકું.
નમ્રતા શિરોડકર છે બહેન
ભારતીય અભિનેત્રી અને સાઉથના સુપરસ્ટાર મહેશ બાબુની પત્ની નમ્રતા શિરોડકર શિલ્પાની બહેન છે. શિલ્પાએ હાલમાં જ જણાવ્યું હતું કે તેને તેની બહેન કરતા મહેશ બાબુ સાથે વધારે બને છે. શિલ્પા અને નમ્રતા બંને બેહનોએ ભારતીય ફિલ્મ જગતમાં યોગદાન આપ્યું છે.