ઓસ્ટ્રેલિયાના દિગ્ગજ સ્પિનર શેન વોર્નનું થાઈલેન્ડમાં થયેલ મોતને લઈને તપાસ ચાલી રહી છે. જો કે, હવે તેનો પોસ્ટમોર્ટમ રિપોર્ટ આવી ગયો છે, જેમાં એ વાતનો ખુલાસો થયો છે કે આખરે શા કારણે તેનું મોત થયું.
શેન વોર્નનું થાઈલેન્ડમાં થયું હતું મોત
મોત બાદ પોસ્ટમોર્ટમ રિપોર્ટ આવ્યો
શા કારણે થયું મોત તેનો થયો ખુલાસો
ઓસ્ટ્રેલિયાના દિગ્ગજ સ્પિનર શેન વોર્નનું થાઈલેન્ડમાં થયેલ મોતને લઈને તપાસ ચાલી રહી છે. સોમવારે થાઈલેન્ડ પોલીસે શેન વોર્નનો પોસ્ટમોર્ટમ રિપોર્ટ આપ્યો છે. પોલીસનું કહેવું છે કે, શેન વોર્નનું મોત નેચરલ છે. તેમાં અત્યાર સુધી કોઈ સંદિગ્ધ વાત સામે આવી નથી.
પોસ્ટમોર્ટમ રિપોર્ટ સામે આવ્યો
થાઈલેન્ડ પોલીસ તરફથી સોમવારે નિવેદન જાહેર કરવામાં આવ્યું છે. એક રિપોર્ટમાં જણાવ્યા અનુસાર પોલીસનો પોસ્ટમોર્ટમ રિપોર્ટ મળી ગયો છે, જેમાં મેડિકલ ઓપિનિયન એ છે કે, શેન વોર્નનું મોત નેચરલ છે, પોલીસ ટૂંક સમયમાં આ અંગે વકીલો સાથે વાત કરશે.
થાઈલેન્ડમાં રજા માણવા ગયો હતો શેન વોર્ન
52 વર્ષિય શેન વોર્ન થાઈલેન્ડમાં રજા માણવા ગયો હતો. 4 માર્ચેની સાંજે તેમના મોતના સમાચાર સામે આવ્યા હતા. શેન વોર્ન એક વિલામાં રોકાયો હતો. જ્યાં તેના રૂમમાં તેને હાર્ટ અટેક આવ્યો હતો. શેન વોર્નને એમ્બ્યુલન્સમાં હોસ્પિટલ લઈ જવામાં આવ્યો હતો, જો કે, આ અગાઉ જ તેનું મોત થઈ ગયું હતું.
થાઈલેન્ડ પોલીસે શરૂઆતથી જ કોઈ ગરબડ ન હોવાનું વાત કહી હતી. પણ પોસ્ટમોર્ટમ રિપોર્ટની રાહ જોવાઈ રહી હતી. પોલીસે શેન વોર્નના ત્રણ મિત્રો સાથે પણ પૂછપરછ કરી હતી.
મેનેજરે શેન વોર્નને લઈને આપી હતી આ જાણકારી
આપને જણાવી દઈએ કે, શેન વોર્નના મેનેજરનું પણ મોતને લઈને નિવેદન સામે આવ્યું છે. શેન વોર્નનો મેનેજર જેમ્સ એર્સકિને ખુલાસો કર્યો હતો કે, ઓસ્ટ્રેલિયાનો આ મહાન સ્પિનર રજા પર જતા પહેલા બે અઠવાડીયા ફક્ત તરલ પદાર્થ લઈ રહ્યો હતો. જેનાથી છાતીમાં દુખાવો અને પરસેવો આવવાની ફરિયાદ પણ કરી હતી.
મેનેજરે કહી હતી આ વાત
એર્સકિને જણાવ્યું હતું કે, તે અજીબોગરીબ ડાયટ પર રહેતા હતા. હાલમાં જ તેમણે આ પ્રકારના ડાયટમાં 14 દિવસથી ફક્ત તરલ પદાર્થ લઈ રહ્યા હતા. આવું તે ત્રણ ચાર વાર કરી ચુક્યા હતા. તેમણે કહ્યું કે, તે કાળા અને લીલા જ્યૂસ જ લઈ રહ્યા હતા. અથવા તો સફેદ બન અને મસ્કા લઈ રહ્યા હતા. આખી જીંદગી તે સિગારેટ પીતા રહ્યા. મને લાગે છે કે હાર્ટ અટેક જ આવ્યો છે.
ઈંસ્ટાગ્રામ પર વોર્ને આપી હતી આ જાણકારી
મોતના થોડા દિવસ પહેલા જ વોર્ને ઈંસ્ટાગ્રામ પર પોતાની જૂની તસ્વીર પોસ્ટ કરતા કહ્યું હતું કે, તે વજન ઘટાડવાની પ્રક્રિયામાં છે. તેમણે કહ્યુ હતું કે, ઓપરેશન પાતળા થવાનું શરૂ થઈ ગયું છે અને ટાર્ગેટ જૂલાઈ સુધી દુબળા થવાનો છે. વોર્નના પરિવારે પણ થાઈ પોલીસે જણઆવ્યું હતું કે, તેને હ્દય સાથે જોડાયેલી તકલીફો અને અસ્થમા છે. વોર્નના એક દોસ્તે જણાવ્યું હતું કે, તેનું છેલ્લુ ભોજન ઓસ્ટ્રેલિયાની ખ્યાતનામ વેઝેમાઈટ ફૂડ સ્પ્રેડ ટોસ્ટ હતો.