બોલીવૂડના કિંગ ખાન શાહરૂખ ખાનનો આજે જન્મદિવસ છે. તે 56 વર્ષનો થઈ ગયો છે. શાહરૂખ ખાનનો જન્મ 3 નવેમ્બર, 1965ના રોજ નવી દિલ્હીમાં થયો હતો.
આજે શાહરૂખ ખાનનો જન્મદિવસ
શાહરૂખે ગૌરીને કહ્યું ચલ બુરખો પહેરી લે
તેનું નામ આયશા રાખવાના હતા પછી...
બોલીવૂડના બાદશાહનો જન્મદિવસ તેના ચાહકો ખાસ રીતે ઉજવે છે. શાહરૂખ ખાનનો જન્મદિવસ એ અર્થમાં પણ ખાસ છે કે હાલમાં જ તેના પુત્ર આર્યન ખાનને ડ્રગ કેસમાં જામીન મળ્યા છે. જ્યારે પણ શાહરૂખની વાત આવે છે ત્યારે તેની પત્ની ગૌરીની પણ ચર્ચા થાય છે.
શાહરૂખ ખાન અને ગૌરી ખાનની ગણતરી બોલીવૂડના ક્યૂટ કપલમાં થાય છે. જ્યાં એક તરફ શાહરૂખ સુપરસ્ટાર છે, તો ગૌરી દેશની સૌથી મોટી ઇન્ટિરિયર અને ફેશન ડિઝાઇનર છે. સૌ જાણે છે કે ગૌરી પંજાબી પરિવારમાંથી આવે છે અને શાહરૂખ મુસ્લિમ પરિવારમાંથી આવે છે, પરંતુ બંને વચ્ચે ક્યારેય ધર્મની દીવાલ આવી નથી.
શાહરૂખ ખાન અને ગૌરી ખાને ઇન્ટરકાસ્ટ મેરેજ કર્યા હતા. શાહરૂખે ગૌરીના માતા-પિતાને ઇમ્પ્રેસ કરવા માટે પાંચ વર્ષ સુધી હિંદુ હોવાનો ઢોંગ કર્યો અને આખરે બંનેએ 25 ઓક્ટોબર, 1991ના રોજ લગ્ન કરી લીધા. એક ઈન્ટરવ્યુમાં શાહરૂખે કહ્યું હતું કે ગૌરીનો પરિવાર ઘણો જુનવાણી હતો, તેથી બંનેના લગ્નમાં ઘણો સમય લાગ્યો હતો. લગ્ન બાદ રિસેપ્શન પાર્ટીમાં કંઈક એવું થયું કે ગૌરીનો પરિવાર આશ્ચર્યચકિત થઈ ગયો.
શાહરૂખ ખાને તેના લગ્નના રિસેપ્શનમાં ગૌરી છિબ્બરના પરિવારના સભ્યો સાથે પ્રૅન્ક કર્યો હતો જે બાદ તેઓ બધા ચોંકી ગયા હતા. શાહરૂખે કહ્યું, "લગ્ન પછી બધા ત્યાં રિસેપ્શનમાં બેઠા હતા અને હું લગભગ 1.15 વાગ્યે ત્યાં આવ્યો. મેં સાંભળ્યું કે તેના પરિવારના સભ્યો એકબીજા સાથે વાત કરતા હતા કે શાહરૂખ એક મુસ્લિમ છોકરો છે, શું ગૌરી તેનું નામ બદલશે? શું તે મુસ્લિમ બનશે, શું તેને બુરખો પહેરવો પડશે?
શાહરૂખે કહ્યું, "હું બધાની વાત સાંભળી રહ્યો હતો. મેં તેમની સાથે પ્રેન્ક કર્યો અને કહ્યું, ઓકે ગૌરી, બુરખો પહેરી લે ચલ હવે નમાઝ પઢીએ. આખા પરિવારને આ જોઈને આશ્ચર્ય થયું કે ગૌરીએ આટલી જલ્દી ધર્મ બદલી નાખ્યો, મેં તેમને કહ્યું કે હવેથી આ દરેક પ્રસંગમાં બુરખો પહેરશે, ઘરમાં જ રહેશે અને તેનું નામ આયેશા રાખીશું." જોકે, શાહરૂખે ગૌરીના પરિવાર સાથે મજાક કરી હતી.