બોલિવૂડના સુપરસ્ટાર શાહરૂખ ખાનની કઝિન સિસ્ટર નૂ જહાંનું મંગળવારે નિધન થઈ ગયું છે. નૂર જહાંના નાના ભાઈ મંસૂર અહમદે આ વાતની પુષ્ટિ કરી છે. તેમણે જણાવ્યું કે, નૂર જહાં લાંબા સમયથી કેન્સરથી પીડિત હતા.
શાહરૂખની કઝિન સિસ્ટરનું નિધન
પેશાવર રહેતી હતી કઝિન
કેન્સરથી પીડિત હતા નૂરજહાં
નૂર જહાં શાહરૂખ ખાનની પેટરનલ સાઈડથી કઝીન હતી. તેઓ પાકિસ્તાનના પેશાવર મહોલ્લા શાહ વલી કતાલ વિસ્તારમાં રહેતા હતા. નૂર ત્યારે ચર્ચામાં હતા જ્યારે તેમણે 2018ની સામાન્ય ચૂંટણીમાં ઉમેદવારી નોંધાવી હતી અને બાદમાં પાછો ખેંચી લીધો હતો. આ સિવાય નૂરજહાં સંબંધિત કોઈ માહિતી બહાર આવી નથી.
છેલ્લી વખત આ ફિલ્મમાં જોવા મળ્યો હતો શાહરૂખ
વર્કફ્રંટની વાત કરીએ તો શાહરૂખ ખાન છેલ્લી વખત 2018માં આનંદ એલ રાયની ફિલ્મ ઝીરોમાં જોવા મળ્યો હતો. આ ફિલ્મ ફ્લોપ રહી હતી. ઝીરો બાદ શાહરૂખ ખાને ફિલ્મોમાંથી લાંબો બ્રેક લીધો હતો. આ ફિલ્મમાં શાહરૂખની સાથે કેટરીના કૈફ અને અનુષ્કા શર્મા પણ હતા. હાલ શાહરૂખે કોઈપણ પ્રોજેક્ટની જાહેરાત કરી નથી. ફેન્સ તેને જોવા માટે આતુર છે. સોશિયલ મીડિયા પર ઘણીવાર તેની વાપસી માટે હેસટેગ પણ ટ્રેન્ડ કરતા હોય છે. હાલ એવા સમાચાર છે કે તે ટૂંક સમયમાં તેની આગામી ફિલ્મની જાહેરાત કરશે.