BIG BREAKING / હાઈવોલ્ટેજ ડ્રામા બાદ શાહીન બાગમાંથી બુલડોઝર પરત ફર્યું, મામલો સુપ્રીમ કોર્ટ પહોંચ્યો

• શાહીન બાગમાંથી ગેરકાયદે દબાણ હટાવવાનો મામલો SC પહોંચ્યો
• શાહીન બાગ વિસ્તારમાં દબાણ હટાવવાની કામગીરીને લઇ વિરોધ
• દિલ્હી પોલીસે આપી છે પૂરતી સુરક્ષા આપવાની ખાતરી

દિલ્હીના શાહીન બાગ વિસ્તારમાં દબાણ હટાવવાની કામગીરી હાથ ધરાય એ પહેલાં ત્યાંના સ્થાનિક નેતાઓ અને ત્યાં પહોંચેલા લોકો MCDના બુલડોઝરની સામે બેસી ગયા છે. કેટલાંક સ્થાનિક નેતાઓ અને હાલમાં એમસીડી અને બીજેપી વિરુદ્ધ તેઓ સૂત્રોચ્ચાર કરી રહ્યાં છે. ત્યારે બીજી બાજુ તાજેતરમાં મળતી જાણકારી અનુસાર, શાહીન બાગમાંથી બુલડોઝર પરત ફર્યું છે. ત્યાં કોઈ પણ પ્રકારની કાર્યવાહી ન કરવામાં આવી હોવાનું જાણવા મળી રહ્યું છે. MCD માત્ર એક બિલ્ડિંગની સામે ઊભેલા લોખંડના સળિયાને હટાવ્યો. આ સળિયો રોડના નવીનીકરણના કામ માટે લગાવવામાં આવ્યો હતો. આ મામલે દિલ્હી પોલીસે સુરક્ષાની ખાતરી પણ આપી છે.

#WATCH | Delhi: AAP MLA Amanatullah Khan join the protest at Shaheen Bagh amid the anti-encroachment drive here. pic.twitter.com/4MJVGoku39

— ANI (@ANI) May 9, 2022

સીઆરપીએફના 100 જવાનો શાહીન બાગમાં તૈનાત

હાલમાં શાહીન બાગમાંથી અતિક્રમણ હટાવવાનો મામલો પણ સુપ્રીમ કોર્ટ પહોંચ્યો છે. શાહીન બાગની તાજેતરની સ્થિતિને ધ્યાનમાં રાખીને ત્યાં વધારાના સુરક્ષા દળને પણ તૈનાત કરવામાં આવ્યું છે. પોલીસની મદદ માટે સીઆરપીએફના 100 જવાનોને ત્યાં મોકલવામાં આવ્યા છે.

બુલડોઝરના આગમન સાથે જ શાહીન બાગમાં હાઇ વોલ્ટેજ ડ્રામા શરૂ થઇ ગયો હતો. કેટલાંક લોકો બુલડોઝરની આગળ બેસી ગયા હતાં. જેમાં ત્યાંના સ્થાનિક નેતાઓ પણ સામેલ હતાં. તેઓએ કહ્યું હતું કે, 'ગરીબો પર બુલડોઝર ચલાવવામાં આવી રહ્યું છે. આવું અમે નહીં થવા દઇએ.'

શાહીન બાગમાં હોબાળા વચ્ચે આ મામલો હવે સુપ્રીમ કોર્ટ પહોંચ્યો

આ સાથે AAP ધારાસભ્ય અમાનતુલ્લાહ ખાન પણ શાહીન બાગ પહોંચ્યા છે. ખાને જણાવ્યું કે, 'એ જ જોવા આવ્યા છીએ કે ક્યાં દબાણ છે અને ક્યાં બુલડોઝર ચલાવવામાં આવી રહ્યું છે.' શાહીન બાગમાં હોબાળા વચ્ચે આ મામલો હવે સુપ્રીમ કોર્ટ પહોંચ્યો છે. બુલડોઝરની કાર્યવાહી વિરૂદ્ધ આ અરજી દાખલ કરવામાં આવી છે. શાહીન બાગમાં બુલડોઝર આગળ વધતા તેઓનો વિરોધ કરી રહેલી મહિલાઓની ધરપકડ કરવામાં આવી છે.

Delhi Police will be providing force to remove the MCD encroachment in the Shaheen Bagh area today

Visuals from Shaheen Bagh Police Station pic.twitter.com/QF9HUdVqdr

— ANI (@ANI) May 9, 2022

બુલડોઝર સામે જ બેસી ગયા હતા કોંગ્રેસના કાર્યકરો

શાહીન બાગમાં અતિક્રમણની કાર્યવાહીને લઈને ઘટનાસ્થળે ભારે હોબાળો મચ્યો હતો. કોંગ્રેસના સ્થાનિક નેતાઓ અને કાર્યકરોએ બુલડોઝર સામે વિરોધ કર્યો હતો. તેઓનું કહેવું હતું કે ભાજપના ઈશારે આ કાર્યવાહી થઈ રહી છે. ભાજપના આદેશ પર બુલડોઝર ચલાવવામાં આવી રહ્યું છે, જે અમે કોંગ્રેસના લોકો નહીં થવા દઈએ. વધુમાં કહ્યું કે, ભાજપ ગરીબોના પેટ પર લાત મારવાનું કામ કરી રહી છે.

MCDના કર્મચારીઓએ હાથમાં લાલ રિબિન બાંધી હતી
 
તમને જણાવી દઇએ કે, MCDના કર્મચારીઓ શાહીન બાગ પહોંચી ગયા હતાં. જે દરેકના હાથમાં લાલ રિબિન બાંધવામાં આવી હતી. જેથી તેઓની ઓળખ થઈ શકે. અત્રે નોંધનીય છે કે, અગાઉ MCDની ટીમને સુરક્ષા આપવા તૈયારી ન હતી દર્શાવી. શાહીનબાગ મેઈન રોડ, જસોલા નાળા અને કાલિંદુ કુંજ પાર્કમાંથી દબાણ હટાવાશે. MCD સેન્ટ્રલ ઝોન દ્વારા અગાઉ નોટિસ આપી દેવામાં આવી હતી. નોટિસ બાદ 70 ટકા ગેરકાયદે દબાણ હટાવી દેવાયા હતાં. સાઉથ દિલ્લી નગર નિગમે દિલ્હી ભાજપના અધ્યક્ષે પત્ર લખ્યો હતો. બાદમાં દિલ્હી ભાજપ અધ્યક્ષના પત્ર બાદ ગેરકાયદે દબાણ હટાવવાનું અભિયાન ચલાવાયું હતું. સુપ્રીમ કોર્ટમાં CPI(M) દ્વારા દબાણ દૂર કરવાની કાર્યવાહી અટકાવવાની અરજી થઈ હતી.