ખાસ આ ગ્રાહકો માટે SBIની 'ફેસ્ટિવલ ધમાકા' ઑફર 0 પ્રોસેસિંગ ફી પર આપી રહી છે લોન

SBI પોતાના ગ્રાહકો માટે સારા સમાચાર લઇને આવી છે. ખાસ કરીને પેન્શનધારકો માટે. SBI દ્વારા દિવાળી ફેસ્ટિવલ ઓફર હેઠળ પેન્શન લોન લેનારા માટે ખાસ ઓફર મુકી છે. જે હેઠળ તેઓ ઝીરો પ્રોસેસિંગ ફીમાં પેન્શન લોન લઇ શકે છે. આ ઓફર લિમિટેડ પીરિયડ માટે છે. આ ઓફરનો લાભ તમને 30 નવેમ્બર સુધી મળશે. 

શું છે SBI પેન્શન લોન:
SBI પેન્શન લોન બેન્કની એક પર્સનલ લોન પ્રોડક્ટ છે. જેને બેન્ક માત્ર પેન્શનધારકોને જ આપે છે. જોકે તેમાં એ પેન્શનધારકો નથી આવતા જેમની પેન્શન કોઇ ખાનગી સંસ્થામાંથી આવે છે. SBI પેન્શન માત્ર રાજ્ય અને કેન્દ્ર સરકારના પેન્શનધારકો રક્ષા પેન્શનધારકો અને પરિવાર પેન્શનધારકોને જ આપવામાં આવે છે. તમને જણાવી દઇએ કે પરિવાર પેન્શનધારકો એ લોકો છે જે મુખ્ય પેન્શનધારકના નોમિની હોય છે.

SBI પેન્શન લોન માટે એલિજિબિલિટી:
અરજીકર્તા કેન્દ્ર સરકાર રાજ્ય સરકાર રક્ષા પેન્શનધારક કે પછી પરિવાર પેન્શનધારક હોવા જોઇએ. ઉંમર 76 વર્ષથી વધારે ન હોવી જોઇએ. પેન્શન ખાતું SBIમાં હોવું જોઇએ.

કેટલી મળી શકે છે લોન:
કેન્દ્ર સરકાર અને રાજ્ય સરકારના પેન્શનધારકોને 7.50-14 લાખ રૂપિયા સુધીની પેન્શન લોન મળી શકે છે. આ ઉપરાંત સેના અર્ધસૈન્ય દળોના પેન્શનધારકોને પણ 7.50-14 લાખ રૂપિયા સુધીની પેન્શન લોન મળી શકે છે. ફેમેલી પેન્શનધારકોને માત્ર 2.5-5 લાખ રૂપિયા સુધીની પેન્શન લોન મળી શકે છે. તમને જણાવી દઇએ કે મિનિમમ લોન એમાઉન્ટ 25 હજાર રૂપિયા છે.

કેવી રીતે પરત કરી શકો છો લોન:
લોનની EMI થશે જે લોન લેનારાના એકાઉન્ટમાંથી દર મહિને કાપવામાં આવશે. આ ઉપરાંત લોન લેનારી વ્યક્તિ લોનની અવધિ પૂર્ણ થતાં પહેલા લોન ચુકવવા માગે છે તો તેણે લોન પર 3% ની પ્રી પેમેન્ટ પેનલ્ટી આપવી પડશે.

વધુ માહિતી માટે તમે https://bank.sbi/portal/web/personal-banking/personal-loans પર પણ જઇ શકો છો.