VIDEO / સૌરાષ્ટ્ર યુનિવર્સિટીમાં પ્રોફેસરની સેક્સ ક્લિપ મામલે વિદ્યાર્થીઓની વાતથી આવ્યો વળાંક

• સૌરાષ્ટ્ર યુનિ.માં પ્રોફેસર-વિદ્યાર્થીની ઓડિયો ક્લિપનો મામલો
• વિદ્યાર્થીનીઓ આવી પ્રોફેસર ઝાલાના સમર્થનમાં
• વાયરલ ઓડિયો ખોટો હોવાની કરી વાત 

નોંધનીય છે કે, વિદ્યાર્થિનીઓ કુલપતિને રજૂઆત કરવા માટે પહોંચી હતી. તો પ્રોફેસર હરેશ ઝાલાના સમર્થનમાં આવેલી વિદ્યાર્થિઓએ કહ્યું કે અમારા સાહેબ પર લગાવવામાં આવેલો આરોપ ખોટો છે. ઓડિયો ક્લિપમાં એડમિશન માટે ફોન કરાયો છે. 

ઓડિયો ક્લીપ એડિટ કરેલી પણ હોઈ શકે છે. ઓડિયો ક્લિપ મામલે તપાસ કર્યા બાદ કાર્યવાહી કરવી જોઈએ. પ્રોફેસર સાહેબને અત્યારે સસ્પેન્ડ ન કરવા જોઈએ. 

યુનિવર્સિટીના સત્તાધીશો આવ્યા એક્શનમાં

સૌરાષ્ટ્ર યુનિવર્સિટીમાં પ્રોફેસર હરેશ ઝાલાએ વિદ્યાર્થિની પાસે અશ્લીલ માગની ઓડિયો ક્લિપ વાયરલ થઈ છે. આ ઓડિયો ક્લિપ વાયરલ થતાં સૌરાષ્ટ્ર યુનિવર્સિટીના સત્તાધીશો એક્શનમાં આવ્યા છે. ત્યારે હવે સત્તાધીશો દ્વારા તપાસના આદેશ આપવામાં આવ્યા છે. 

અગાઉ પણ આ પ્રકારની ઘટનાઓ સામે આવી છે. છેલ્લા દોઢ વર્ષમાં યુનિવર્સિટીમાં આ પ્રકારની ત્રીજી ઘટના બની છે. સૌરાષ્ટ્ર યુનિવર્સિટી પ્રોફેસર સામે પગલા લેશે કે નહી તે અંગે પણ એક સવાલ છે. 

શું છે સમગ્ર મામલો ? 

સૌરાષ્ટ્ર યુનિવર્સિટીમાં શિક્ષણ જગતને શર્મસાર કરતો કિસ્સો સામે આવ્યો છે. સૌરાષ્ટ્ર યુનિવર્સિટીના એક ડીને વિદ્યાર્થિની પાસે અભદ્ર માગણી કરી હોવાનો ઓડિયો વાયરલ થયો છે. PHD કરાવવાની અને પ્રોફેસર બનાવવાની લાલચ આપી ડીને શરીર સુખની માગ કરી હતી. સૌરાષ્ટ્ર યુનિવર્સિટીના ડીન હરેશ ઝાલાની ઓડિયા ક્લીપ હોવાનું સામે આવ્યું છે ત્યારે શિક્ષણ જગતને લાંછન લાગે તેવા લંટપવેડાનો પર્દાફાશ થયો છે.