રાજકોટમાં સવારથી જ સતત વરસી રહેલા ધોધમાર વરસાદના કારણે વિદ્યાર્થીઓના હિતમાં સૌરાષ્ટ્ર યુનિવર્સિટીએ લીધો મહત્વનો નિર્ણય.
રાજકોટ શહેરમાં સવારથી જ ભારે વરસાદ
સૌરાષ્ટ્ર યુનિ. દ્વારા આજની પરીક્ષાઓ રદ કરાઇ
પરીક્ષાની નવી તારીખો બાદમાં જાહેર કરાશે
સમગ્ર ગુજરાતના કેટલાંક જિલ્લાઓમાં મેઘરાજા અનરાધાર વરસી રહ્યો છે. ત્યારે રાજકોટમાં આજ સવારથી જ સતત વરસાદ વરસી રહ્યો છે. સવાર સુધીમાં રાજકોટમાં 6.5 ઈંચ વરસાદ વરસી ચૂક્યો છે. જેના લીધે સૌરાષ્ટ્ર યુનિવર્સિટીએ મહત્વનો નિર્ણય લીધો છે.
રાજકોટ શહેરમાં સવારથી ભારે વરસાદ, સૌરાષ્ટ્ર યુની દ્વારા આજની પરિક્ષાઓ રદ્દ કરાઇ, પરિક્ષાની નવી તારીખ જાહેર કરાશે#rajkotrain#GujaratRain
— VTV Gujarati News and Beyond (@VtvGujarati) July 12, 2022
આજના દિવસની પરીક્ષાની નવી તારીખો બાદમાં જાહેર કરાશે
સૌરાષ્ટ્ર યુનિવર્સિટીએ શહેરમાં વરસાદની પરિસ્થિતિ જોતા આજની પરીક્ષાઓ રદ કરી દીધી છે. ભારે વરસાદના કારણે રાજકોટ યુનિવર્સિટીએ મહત્વનો નિર્ણય કર્યો છે. યુનિવર્સિટી સંલગ્ન શાળા કોલેજોના આચાર્યઓને આ અંગે સૂચના પણ આપી દેવાઇ છે. જો કે, તમને જણાવી દઇએ કે, આજના દિવસની પરીક્ષાની નવી તારીખો બાદમાં જાહેર કરાશે.
રાજકોટમાં આજે 6.5 ઈંચ વરસાદ ખાબકી ચૂક્યો
રાજકોટમાં આજ સવારથી જ ધોધમાર વરસાદ વરસી રહ્યો છે. સવાર સુધીમાં રાજકોટમાં આજે 6.5 ઈંચ વરસાદ ખાબકી ચૂક્યો છે. જેના કારણે શહેરના અનેક વિસ્તારોમાં પાણી ભરાઇ ગયા છે. નીચાણવાળા વિસ્તારો પાણીમાં ગરકાવ થઇ ગયા છે. જેથી વાહનચાલકોએ ભારે મુશ્કેલીનો સામનો કરવો પડી રહ્યો છે.
તમને જણાવી દઇએ કે, રાજકોટમાં ફરી વરસાદની શરૂઆત થઇ ચૂકી છે. રાજકોટમાં સતત વરસાદના કારણે સોસાયટીમાં પાણી ભરાઇ ગયા છે. શહેરની ગાયત્રીધામ સોસાયટીમાં લોકોના ઘરોમાં વરસાદી પાણી ફરી વળતા લોકોએ ભારે હાલાકી વેઠવી પડી રહી છે. જામનગર રોડ પરની સોસાયટીઓમાં પાણી ભરાઇ ગયા છે તો માધાપર રોડ પર પણ પાણી ભરાઇ ગયા છે.
એ સિવાય રાજકોટ શહેરમાં નદી-નાળા બે કાંઠે વહેતા થઇ ગયા છે. રાજકોટમાં 6.5 ઈંચ જેટલો વરસાદ ખાબકતા રાજકોટનું લાલપરી તળાવ ઓવરફ્લો થઇ ગયું છે. ભારે વરસાદના કારણે તળાવમાં નવા નીર આવ્યા છે.