તરફેણ / પાકિસ્તાનની જીત પર કાશ્મીરમાં ઉજવણી કરનારા લોકોના સમર્થનમાં ઉતર્યા મહેબુબા, કહ્યું- કોહલી પાસેથી શિખો

• વર્લ્ડ કપમાં પાકિસ્તાન જીત્યા બાદ કાશ્મીરમાં થઈ ઉજવણી
• મહેબુબાએ ઉજવણી કરી રહેલા કાશ્મીરીઓનું કર્યુ સમર્થન
• 'કોહલી પાસેથી શિખો, પાકિસ્તાન ક્રિકેટ ટીમની જીતને સ્વીકારવી જોઈએ'

ટી-20 વર્લ્ડ કપમાં પાકિસ્તાનની જીત, જાણો મહેબુબાએ શું કહ્યું

જમ્મુ-કાશ્મીરના પૂર્વ મુખ્યપ્રધાન મહેબુબા મુફ્તીએ ભારતીય ટીમ સામે પાકિસ્તાનની જીત પર ટીપ્પણી કરી છે. જમ્મુ-કાશ્મીરમાં ઉજવણી કરી રહેલા કાશ્મીરીઓનું તેમણે સમર્થન કર્યુ છે. તેમણે કહ્યું કે, પાકિસ્તાનની જીતની ઉજવણી કરી રહેલા કાશ્મીરીઓ પ્રત્યે આટલો દ્વેષભાવ કેમ છે? કેટલાંક નફરત ફેલાવનારા લોકો સુત્રોચ્ચાર પણ લગાવી રહ્યાં છે, 'દેશના ગદ્દારોને ગોળી મારી દો.'

Why such anger against Kashmiris for celebrating Pak’s win? Some are even chanting murderous slogans- desh ke gadaaron ko goli maaro/calling to shoot traitors. One hasnt forgotten how many celebrated by distributing sweets when J&K was dismembered & stripped of special status pic.twitter.com/dCKQtj5Uu7

— Mehbooba Mufti (@MehboobaMufti) October 25, 2021

પાકિસ્તાન ક્રિકેટ ટીમની જીતને સકારાત્મક ભાવથી સ્વીકારીએ

તેમણે કહ્યું કે જમ્મુ-કાશ્મીરને અલગ કરાતા અને વિશેષ દરજ્જો છીનવી લેતા મીઠાઈઓની ખુલ્લેઆમ વહેંચણી કરવામાં આવી હતી. આવો આપણે વિરાટ કોહલીની આ સકારાત્મક ભાવનાની જેમ જ પાકિસ્તાન જીતની ઉજવણીને લઈએ. વિરાટ કોહલીએ સૌથી પહેલા પાકિસ્તાન ક્રિકેટ ટીમને જીતવા બદલ અભિનંદન આપ્યા હતા. ઉલ્લેખનીય છે કે, રવિવારે દુબઈમાં ટી-20 વર્લ્ડ કપની મેચમાં ભારતનો પાકિસ્તાન સામે ઐતિહાસિક પરાજય થયો હતો. ટી-20 વર્લ્ડ કપમાં 2007 થી 2016 સુધી સતત ભારતે પાકિસ્તાનને હરાવ્યું છે.