...તો આ કારણોસર રાજ્યસભામાં ડેબ્યૂ સ્પીચ ના આપી શક્યો માસ્ટર બ્લાસ્ટર

ભારત રત્ન અને પૂર્વ ભારતીય ક્રિકેટર સચિન તેંડુલકર આજે પહેલી વખત સંસદ ભવનમાં ભાષણ આપવાનો હતો પરંતુ સંસદની કાર્યવાહી 22 ડિસેમ્બરના 11 વાગ્યા સુધી સ્થગિત કરી દેવામાં આવી છે. સચિનને રાજ્યસભામાં 'રાઇટ ટૂ પ્લે' પર બોલવાનું હતુ પરંતુ તે ભાષણ શરૂ કરે તે પહેલા જ વિપક્ષે હોબાળો શરૂ કરી દીધો.  વિપક્ષ સતત મનમોહન સિંહના મુદ્દા પર હોબાળો કરી રહ્યા હતા.

વિપક્ષને રાષ્ટ્રપતિ વેંકૈયા નાયડુએ સતત અપીલ કરી કે ''જે વ્યક્તિ બોલી રહ્યા છે તે ભારત રત્ન છે. જેણે આખો દેશ જોઈ રહ્યો છે મહેરબાની કરીને શાંત થઈ જાઓ.'' પરંતુ વિપક્ષ માન્યો નહીં. આખરે કાર્યવાહી 1 દિવસ માટે સ્થગિત કરવામાં આવી. ઉલ્લેખનીય છે કે સચિન વાઈફ અંજલી સાથે રાજ્યસભા પહોંચ્યો હતો.

ઉલ્લેખનીય છે કે સચિનને રાજ્ય સભામાં 2012માં સાંસદ તરીકે નીમવામાં આવ્યો હતો. ત્યારપછીથી 348 દિવસોની કાર્યવાહીમાં તે માત્ર 23 દિવસ સંસદમાં હાજર રહ્યો હતો. તેની અને બોલિવૂડ એક્ટ્રેસ રેખાની ગેરહાજરી પર સતત સવાલ થાય છે. રેખાની હાજરી સભામાં માત્ર 18 દિવસ જ છે.

1000 ઇન્ટરનેશનલ સેન્ચુરીનો વર્લ્ડ રેકોર્ડ પોતાના નામે રાખનાર સચિન દેશના સ્પોર્ટ્સ અને પ્લેયર્સની સુવિધાઓ ઓલિમ્પિકની તૈયારીઓ અને કઈ રીતે ભારતીય પ્લેયર્સ દુનિયાભરમાં સારું પ્રદર્શન કરી શકે વગેરે જેવા મુદ્દાઓ પર બોલવાનો હતો. તમને જણાવી દઈએ કે સચિને રાજ્યસભા સાંસદ તરીકે તાજેતરમાં જ મહારાષ્ટ્રના દોંઝા ગામને દત્તક લીધું છે. તાજેતરમાં તેણે આ ગામની મુલાકાત લીધી હતી અને 4 કરોડ રુપિયા આપવાની જાહેરાત કરી હતી. આદર્શ સાંસદ ગ્રામ યોજના અંતર્ગત આ સચિનનું બીજું ગામ છે.