રશિયાએ મોક્સો ફોર્મેટમાં એવું નિવેદન આપ્યું કે અફઘાનિસ્તાનમાં હવે તાલિબાન રાજ કરી રહ્યું છે જે સત્યને હવે આપણે સ્વીકારવું પડશે. આ નિવેદનને લઈને ભારતની ચિંતામાં હવે વધારો થયો છે.
રશિયાએ મોસ્કો ફોર્મેટમાં આપ્યું મોટું નિવેદન
અફઘાનિસ્તાનને લઈને રશિયાએ આપ્યુ મોટું નિવેદન
રશિયા આપેલા નિવેદન કારણે ભારતનું ટેન્શન વધ્યું
અફઘાનિસ્તન મુદ્દે ચર્ચા પર રશિયાએ ટ્રોઈક પ્લસમાં ભારતને નથી રાખ્યો. ભારતને આ ચર્ચામાં શામેલ રાખવા માટે વાત પણ કરવામાં આવી હતી. પરંતુ રશિયાએ તેની અવગણના કરી હતી. તાલિબાન જ્યારે સત્તામાં આવ્યું ત્યારે રશિયાએ મોસ્કો ફોર્મેટમાં ઘણા દેશોને બોલાવ્યા હતા. જેમા અમેરિકા શામેલ ન થયું પરતું મોસ્કો ફોરમેટમાં ભારતને શામેલ કરવામાં આવ્યું હતું.
ભારત થઈ શકે છે નારાજ
મોસ્કો ફોર્મેટમાં રશિયાએ જે નિવેદન આપ્યું તેને લઈને ભારત ખરેખરમાં નારાજ થઈ શકે છે. જોકે હજું સુધી આ મામલે ભારતે કોઈ પ્રતિઉત્તર નથી આપ્યો. મોસ્કો ફોર્મેટમાં રશિયાએ જે નિવેદન આપ્યું છે તેમા ભારતના હિતોને લઈને કોઈ વિચારણા નથી કરવામાં આવી . સાથેજ આ ફોર્મેટંમાં રશિયાએ તાલિબાનને શાસક માની લીધું હતું.
સત્યને સ્વીકારવું પડશે : રશિયા
એવી માહિતી સામે આવી છે મોસ્કો ફોર્મેટમાં રશિયાએ એવું નિવેદન આપ્યું કે અફઘાનિસ્તાની વાસ્તવિકતાને પણ હવે ધ્યાનમાં રાખવી પડશે. જેમા તેમણે એવું કહ્યું કે સત્ય એ છે કે અફઘાનિસ્તાનને હવે તાલિબાન ચલાવી રહ્યો છે. જેથી આ દેશના લોકોને ખાદ્ય સહાયતા મોકલવા માટે દેશની વાસ્તવિકતા પણ ધ્યાનમાં રાખવી પડશે.
તાલિબાનને નતી મળી આંતરરાષ્ટ્રીય માન્યતા
ભારતની ચિંતા એ છે કે તાલિબાન પાકિસ્તાનના ઈશારે ચાલે છે. અફઘાનિસ્તાનમાં તેણે જે રીતે કબ્જો મેળવ્યો તે ખરેખરમાં પડકારજનક હતું. ભારત રશિયાનું મિત્ર છે જેથી રશિયના આપેલા નિવેદન પર ભારતે કોઈ પ્રતિક્રિયા નથી આપી. જોકે હજું પણ અપઘાનિસ્તાનમાં તાલિબાન સરકારને આંતરરાષ્ટ્રીય માન્યતા નથી મળી.
તાલિબાન પણ બેઠકમાં હાજર હતું
ઉલ્લેખનીય છે કે મોસ્કો ફોર્મેટમાં રશિયાની સાથે ચીન, પાકિસ્તાન, ઈરાન, ભારત, કજાકિસ્તાન, કિર્ગિસ્તાન, તાજિકિસ્તાન જેવા દેશોએ પણ હાજરી આપી હતી. તે સિવાય તાલિબાન સરકારનું એક ઉચ્ચપ્રતિનિધિ મંડળ પણ આ બેઠકમાં હાજર રહ્યું હતું