રેલવે ડાયરેક્ટ ભરતી નોટિફિકેશન 2022 થી 21 જગ્યાઓ માટે સીધી ભરતી કરવામાં આવી રહી છે. સ્પોર્ટ્સ અચીવમેન્ટ, શૈક્ષિક યોગ્યતાના પરીક્ષણ અને મુલ્યાંકનના આધાર પર કરવામાં આવશે અને કોઈ અલગ પરીક્ષા આયોજીત નહીં કરવામાં આવે.
રેલવેમાં ડાયરેક્ટ ભરતીની તક
પરીક્ષા વગર મળશે સરકારી નોકરી
જાણો સંપૂર્ણ ડિટેલ્સ
રેલવે ભરતી 2022 એ સ્પોર્ટ્સ ક્વોટા દ્વારા 21 ખાલી જગ્યાઓ માટે નોટિફિકેશન જાહેર કરી છે. રેલવે ડાયરેક્ટ ભરતી નોટિફિકેશન 2022 સત્તાવાર વેબસાઇટ rrc-wr.com પર બહાર પાડવામાં આવી હતી. ભરતી ખેલ ઉપલબ્ધિઓ, શૈક્ષણિક લાયકાતની પરીક્ષણ અને મૂલ્યાંકનના આધારે ભરતી કરવામાં આવશે અને કોઈ અલગ પરીક્ષા લેવામાં આવશે નહીં.
અરજી કરવાની છેલ્લી તારીખ
અરજી પ્રક્રિયા શરૂ થઈ ગઈ છે અને રેલવે ભરતી 2022 માટે અરજી કરવાની છેલ્લી તારીખ 4 ઓક્ટોબર, 2022 છે. આ પદો પર પસંદ કરાયેલા ઉમેદવારોને દર મહિને 92300 રૂપિયા સુધીનો પગાર મળશે.
રસ ધરાવતા અને લાયક ઉમેદવારો નક્કી કરેલા સમયગાળામાં રેલવે જોબ્સ 2022 માટે અરજી કરી શકે છે. ઉમેદવારો નીચે આપેલ વય મર્યાદા, શૈક્ષણિક લાયકાત અને અન્ય વિગતો સહિત જરૂરી ભરતી વિગતો ચકાસી શકે છે.
જરૂરી લાયકાત
અરજી કરનાર ઉમેદવારોની ઉંમર 1 જાન્યુઆરી 2023ના રોજ 18 થી 25 વર્ષની વચ્ચે હોવી જોઈએ એટલે કે ઉમેદવારોનો જન્મ 2 જાન્યુઆરી, 1998 પહેલા થયો ન હોવો જોઈએ અને 1 જાન્યુઆરી, 2005 પછીનો ન હોવો જોઈએ. ઉમેદવારોએ નોંધ લેવી જોઈએ કે ઉચ્ચ વય મર્યાદામાં છૂટછાટની કોઈ જોગવાઈ નથી. કારણ કે પોસ્ટ્સ માટે કોઈ અનામત નીતિ લાગુ પડતી નથી.
સિલેક્શન પ્રોસેસ
રેલવે સીધી ભરતી પ્રક્રિયા અલગ અલગ સિલેક્શન પ્રોસેસ દ્વારા કરવામાં આવશે જેમાં ખેલ અચીવમેન્ટનું પરીક્ષણ અને મૂલ્યાંકન, શૈક્ષણિક લાયકાતનો સમાવેશ થાય છે. રેલવે ટીમ તેમજ ભારતીય રેલવે ટીમ માટે તેમના ખેલ પ્રદર્શન અને ઉપયુક્તતાનું મૂલ્યાંકન કરવા માટે ટ્રાયલ કમિટિ દ્વારા ઉમેદવારોનું પરીક્ષણ કરવામાં આવશે. ટ્રાયલના આધારે ઉમેદવારોને 'FIT' અથવા 'UNFIT' જાહેર કરવામાં આવશે.