રોહિત શર્માએ મંગળવારે ICC વર્લ્ડકપ 2019ની 40 મી મેચમાં બાંગ્લાદેશની સામે સેન્ચ્યુરી મારી અને ઘણા રેકોર્ડસ પોતાના નામ કર્યા. હિટમેન આ કારનામું કરનાર પહેલો ભારતીય બેટ્સમેન બન્યો.
વર્લ્ડકપમાં રોહિત શર્માનું શાનદાર ફોર્મ ચાલુ છે. રોહિતે ફરીથી એક વખત ચીમ ઇન્ડિયાને સારી શરૂઆત અપાવી, આ વચ્ચે રોહિતે વર્લ્ડકપમાં બીજી એક સેન્ચ્યુરી પૂર્ણ કરી, વર્લ્ડકપમાં આ રોહિતની ચોથી શતક છે.
આ પહેલા રોહિતે સાઉથ આફ્રિકા, પાકિસ્તાન અને ઇંગ્લેન્ડ વિરુદ્ધ પણ 100 નો આંકડો પાર કર્યો હતો. આટલું જ નહીં વર્લ્ડકપમાં બાંગ્લાદેશની વિરુદ્ધ પણ રોહિતની આ બીજી શતક છે. 2015માં રોહિતે આ ટીમની વિરુદ્ધ સેન્ચ્યુરી મારી હતી.
પાંચની ઓવરમાં મુસ્તફિઝુરનો બોલ પર રોહિત શર્માએ પુલ શૉટ રમ્યો, પરંતુ બોલ બાઉન્ડ્રીની બહાર જઇ શક્યો નહીં.
લૉન્ગ ઑન પર ઊભેલા તમીમ ઇકબાલે સરળતાથી કેચ છોડી દીધો. એ વખતે રોહિતે માત્ર 9 રન કર્યા હતા. આ કેચે ગત મેચની શરૂઆતની યાદ અપાવી હતી. જ્યારે એ સમયે શરૂઆતની ઓવરમાં સ્લિપ પર જો રૂટે રોહિતનો કેચ છોડ્યો હતો અને ત્યારબાદ રોહિતે સેન્ચ્યુરી મારી.
આ વખતે પણ પરિણામ એ જ રહ્યું. રોહિતે સતત બીજી મેચમાં સેન્ચ્યુરી મારી દીધી. તફાવત એટલો રહ્યો, કે રોહિત આ વખતે જોરદાર નજરે આવ્યો. રોહિતે પહેલા જ ઓવરમાં છગ્ગા લગાવ્યા હતા.
ઉલ્લેખનીય છે કે વર્લ્ડકપમાં રોહિતની આ ચોથી સેન્ચ્યુરી છે. એની સાથે જ રોહિતે એક વર્લ્ડકપમાં 4 સેન્ચ્યુરી મારીને પહેલો ભારતીય બેટ્સમેન બન્યો જ્યારે દુનિયાનો બીજો બેટ્સમેન બન્યો. આ પહેલા 2015 વર્લ્ડકપમાં શ્રીલંકાના પૂર્વ કેપ્ટન કુમાર સંગાકારાએ સતત 4 સેન્ચ્યુરી ફટકારી હતી.
આટલું જ નહીં રોહિત વર્લ્ડકપમાં સૌથી વધારે સેન્ચ્યુરી મારવાના મામલે ભારત તરફથી બીજા નંબર પર પહોંચેલો છે. રોહિતની વર્લ્ડકપમાં પાંચમી સેન્ચ્યુરી છે. વર્લ્ડકપમાં સૌથી વધારે 6 સેન્ચ્યુરી માસ્ટર બ્લાસ્ટર સચિન તેંડુલકરના નામે છે.
આટલું જ નહીં પોતાની ઇનિંન્ગ દરમિયાન 77 રન બનાવતાની સાથે જ રોહિત વર્લ્ડકપ 2019માં સૌથી વધારે રન બનાવનાર બેટ્સમેન થઇ ગયો. રોહિતે ડેવિડ વોર્નરને 516 રનથી પાછળ છોડ્યો.
ટૉસ જીતીને પહેલી બેટિંગ કરવા ઊતરેલી ટીમને રોહિત અને રાહુલે જોરદાર શરૂઆત અપાવી અને માત્ર 24 ઓવરમાં જ 150 થી વધારે રન કરી લીધા.