સુશાંત સિંહ કેસમાં તપાસ દરમિયાન ડ્રગ્સ કનેક્શનમાં ફસાયેલી રિયાને આજે કોર્ટે જોરદાર ઝટકો આપ્યો છે, રિયા અને શોવિક સહીતના બધા આરોપીઓની જામીન અરજી કોર્ટ દ્વારા ફગાવી દેવામાં આવી છે.
સુશાંત સિંહ રાજપૂતના મોત કેસમાં ફસાયેલી રિયા ચક્રવર્તીને કોર્ટમાંથી પણ રાહત ન મળી. ડ્રગ્સના કેસમાં નાર્કોટિક્સ કંટ્રોલ બ્યુરો દ્વારા રિયા અને તેના ભાઈની ધરપકડ કરવામાં આવી છે જે બાદ રિયાએ કોર્ટનો દરવાજો ખખડાવ્યો હતો.
રિયાએ પોતાના નિવેદનમાં કબૂલ કર્યું હતું કે તે સુશાંત સિંહ માટે ડ્રગ્સ મંગાવતી હતી અને તે બાદ સતત કેટલાય દિવસ સુધી રિયાની પૂછપરછ કરવામાં આવી રહી હતી જે બાદ તેમની ધરપકડ કરાઈ હતી. ફાઈવ સ્ટાર હોટલોમાં ફરતી રિયા બે દિવસથી જેલમાં છે ત્યારે કોર્ટમાંથી પણ આજે તેને ઝટકો લાગ્યો હતો.
સેશન્સ કોર્ટે રિયા સહીત શોવિક, અબ્દુલ બાસિત, જૈદ, દીપેશ સાવંત અને સેમ્યુઅલ મિરાંડાની જામીન અરજી પણ ફગાવી દેવામાં આવી છે. રિયાના વકીલે બુધવારે જામીન અરજી લગાવી હતી અને ગુરુવારે જામીન અરજી પર સુનાવણી કરવામાં આવી હતી અને ત્યારે વકીલે કહ્યું હતું કે રિયાની જાનને ખતરો છે.
રિયાને એનસીબીએ ડ્રગ્સના ઉપયોગ મામલે ધરપકડ કરી છે જે બાદ 14 દિવસની કસ્ટડીમાં ભાયખલા જેલમાં બંધ છે. ડ્રગ્સ કનેક્શનમાં અત્યાર સુધી 10ની ધરપકડ થઇ છે.
આજે કોર્ટ દ્વારા જામીન અરજી ફાગાવાયા બાદ રિયાને હાલ ભાયખલા જેલમાં જ રહેવું પડશે, જોકે માનવામાં આવી રહ્યું છે કે રિયાના વકીલો હવે હાઈકોર્ટમાં જશે અને જામીન માંગશે. દીપેશ સાવંતના વકીલોએ દલીલ કરી હતી કે તેમના વિરુદ્ધ કોઈ બિનજામીન ધારા લગાવવામાં આવી નથી તેથી તેમને જામીન મળવા જોઈએ. જોકે કોર્ટે તેમને કોઈ રાહત ન આપી.