રેનો ડસ્ટરનો પાવરફુલ મોડલ લોન્ચ થવા જઈ રહ્યો છે. તેમાં ટર્બો પેટ્રોલ એન્જિન મળશે. ટર્બો એન્જિનવાળી ડસ્ટરને ફેબ્રુઆરીની શરૂઆતમાં ઓટો એક્સપોમાં
રજૂ કરવામાં આવી હતી ત્યારથી તેની રાહ જોવાઈ રહી છે. જોકે, હવે તમારે વધુ રાહ નહીં જોવી પડે. નવા રિપોર્ટમાં કહેવામાં આવ્યું છે કે ટર્બો-પેટ્રોલ એન્જિનવાળી ડસ્ટર ઓગસ્ટના અંતમાં લોન્ચ થવાની તૈયારીમાં છે.
રેનો ડસ્ટરના આ પાવરફુલ મોડલમાં 1.3 લીટર, 4 સિલિન્ડર ટર્બોચાર્જ્ડ પેટ્રોલ એન્જિન મળશે. જે 153 bhpનો પાવર અને 250 Nm ટોર્ક જનરેટ કરે છે. આ સાથે 6 સ્પીડ મેન્યુઅલ અને CVT ઓટોમેટિક ટ્રાન્સમિશનના ઓપ્શન મળશે. નિસાન કિક્સમાં આ પાવરટ્રેન પહેલાથી જ ઉપલબ્ધ છે. નવા ટર્બો એન્જિન સાથે ડસ્ટરનું હાલનું 1.5 લીટર પેટ્રોલ એન્જિનવાળું મોડલ પણ વેચાણ માટે ઉપલબ્ધ છે.
ટર્બો પેટ્રોલ એન્જિન સિવાય આ નવા મોડલની ડિઝાઈનમાં થોડો ફેરફાર કરવામાં આવ્યો છે. તેમાં ગ્રિલ અને ફોગલેમ્પ હાઉસિંગ પર રેડ એકસેટ્સ આપવામાં આવ્યું છે. ઓટો એક્સપોમાં રજૂ કરેલી ડસ્ટરમાં નવા મોડલ પર રેડ કલરનો લોગો, પાછળની તરફ ક્લેડિંગ અને મોટા રૂફ રેલ્સ આપવામાં આવ્યા છે. ફાઈનલ મોડલમાં પણ આવા ફેરફાર મળવાની આશા છે.
સ્પોર્ટી ઈન્ટિરિયર અને ફીચર્સ
ડસ્ટરના આ મોડલનું ઈન્ટિરિયર લેઆઉટ અને તેના ફીચર્સ સ્ટાન્ડર્ડ મોડલ જેવા હશે. જોકે, તેમાં નવી અપહોસ્ટી અને સ્પોર્ટી અપીલ વધારવા માટે રેડ એક્સેન્ટ્સ આપવામાં આવી શકે છે. આ નવા મોડલમાં પ્રોજેક્ટર હેડલેમ્પ, રૂફ રેલ્સ, ટિલ્ટ એડજેસ્ટેબલ પાવર સ્ટીયરિંગ, પાવર વિન્ડો, રિમોટ સેન્ટ્રલ લોકિંગ, ડ્યૂલ એરબેગ્સ, એબીએસ, ઈબીડી, સ્પીડ એલર્ટ, સીટ બેલ્ડ રિમાઈન્ડર અને રિયર પાર્કિંગ સેન્સર્સ જેવા સ્ટાન્ડર્ડ ફીચર્સ મળશે.
આટલી હશે કિંમત
ટર્બો-પેટ્રોલ એન્જિન ડસ્ટરના મિડ અને ટોપ વેરિયન્ટમાં મળે તેવી આશા છે. તેની કિંમત 12 લાખ રૂપિયાની આસપાસ રહી શકે છે.