છેલ્લા ઘણા સમયથી ગુજરાતમાં દુષ્કર્મની ઘટનાઓમાં વધારો થઇ રહ્યો છે. ત્યારે સુરતમાં એક ચોંકાવનારી ઘટના બની. સુરતના પુણે વિસ્તારમાં 25 વર્ષીય પરિણીતા પર સોસાયટીમાં રહેતા અમીન મુલ્લા નામના યુવકે દુષ્કર્મ આચર્યુ. આપણી વચ્ચે સંબંધ છે તેવી ખોટી વાત ફેલાવવાની ધમકી આપીને યુવકે દુષ્કર્મ આચર્યું. વળી હવસ સંતોષાયા બાદ ફોટા પાડીને વાયરલ કરવાની ધમકી આપીને રૂપિયા પડાવી લીધા.
કૌટુંબિક દિયરે દુષ્કર્મ આચર્યુ
મળતી માહિતી મુજબ આરોપી પરિણીતાનો કૌટુંબિક દિયર છે. આરોપી યુવાને પરિણીતાની નણંદ એવી પિતરાઇ બહેનને પણ શારિરીક સંબંધ બાંધવા દબાણ કર્યુ હતું. વારંવાર ધમકીથી કંટાળેલી પરિણીતાએ ઉધના પોલીસ સ્ટેશનમાં ફરિયાદ દાખલ કરી છે. મળતી માહિતી મુજબ આરોપી અને પરિણીતા કૌટુંબિક સગા થતા હોવાથી એક લગ્ન પ્રસંગે મળ્યા હતા. વળી આરોપી જ્યારે રાજસ્થાનથી સુરત આવતો ત્યારે અહીં જ રોકાતો હતો. 10-12 દિવસ અગાઉ જ્યારે પરિણીતાનો પતિ નોકરી ગયો ત્યારે આ આરોપીએ ઘરમાં આવીને પરિણીતા સાથે સંબંધ બાંધવાનો પ્રયાસ કર્યો.
ફોટો વાયરલ કરવાની ધમકી આપી પૈસા પડાવ્યા
પરિણીતાએ વિરોધ કરતા તેણે સમાજમાં કહી દઇશ કે આપણી વચ્ચે સંબંધ છે તેવુ કહેવાની ધમકી આપીને દુષ્કર્મ આચરી લીધું અને ફોટા પણ પાડી લીધા. બાદમાં ફરી ધમકી આપી હતી કે જો કોઈને વાત કરીશ તો ફોટા વાયરલ કરીશ. જો કે પરિણીતાએ હિંમત દાખવીને પોતાની નણંદને આ વાત કરી.આરોપીએ મેસેજ અને કોલ રેકોર્ડિંગ પતિને મોકલવાની ધમકી આપી હોવાનું પણ જણાવ્યું હતું. હાલ આ મામલે ઉધના પોલીસમાં ફરિયાદ નોંધાતા પોલીસે આરોપીને ઝડપી પાડવા તપાસના ચક્રોગતિમાન કર્યા છે.