છેલ્લા ઘણા સમયથી ફિલ્મ 83ના ટ્રેલરની રાહ લોકો જોઇ રહ્યાં હતા ત્યારે ફાઇનલી આજે ટ્રેલર રિલીઝ થઇ જ ગયું છે.
83 ફિલ્મનું ટ્રેલર થયું રિલીઝ
ટ્રેલર જોઇને રુંવાડા ઉભા થઇ જશેે
ખાસ છે 83નું આ દમદાર ટ્રેલર
ભારતે પહેલો વર્લ્ડ કપ જીત્યો તેના આધાર પર આ ફિલ્મ બનાવવામાં આવી છે. આ તે હીરોઝ પર ફિલ્મ બની છે જેણે લાખો કરોડો ભારતીયોના સપનાને સાકાર કર્યુ હતુ. રણવીર સિંહ સાથે ક્રિકેટ ટીમનો જોશ જોઇને તમે પણ ઉત્સુક થઇ જશો.
3 મિનીટ 49 સેકન્ડનું ટ્રેલર
આ ટ્રેલર પતશે કે તરત જ તમારું માથુ ગર્વથી ઉંચુ થઇ જશે. ટ્રેલર જોઇને તમે અંદાજો લગાવી શકશો કે વિદેશની ધરતી પર આપણા પ્લેયર્સે ઇજ્જત અને દેશનું અભિમાન વધારવા કેટલી મહેનત કરી છે. લોકો કહી રહ્યાં છે કે ધોની બાદ આ ફિલ્મ દર્શકોના દિલો પર રાજ કરશે.
ટ્રેલર કેમ છે ખાસ
જોકે ચાહકોએ અનુમાન લગાવ્યું હતું કે ફિલ્મ ધમાકેદાર હશે, પરંતુ ટ્રેલરમાં એક સીન લોકોને ઉત્સાહિત કરી રહ્યો છે, જ્યાં કપિલ દેવ કહે છે કે તે વેસ્ટ ઈન્ડિઝ વર્લ્ડ કપ જીતવા આવ્યો છે. ત્યારે લોકો તેની મજાક ઉડાવે છે પરંતુ બાદમાં દેશભક્તિની વાત જાણીને તમારી છાતી પણ ફૂલી જશે.
રણવીર સાથે આ કલાકાર
રણવીર કપિલદેવનું પાત્ર ભજવી રહ્યો છે. તેના સિવાય તાહિર રાજ ભસીન, જીવા, સાકિબ સલીમ, જતિન સરના, ચિરાગ પાટીલ, દિનકર શર્મા, નિશાંત દહિયા, હાર્ડી સંધુ, સાહિલ ખટ્ટર, અમ્મી વિર્ક, આદિનાથ કોઠારે, ધૈર્ય કારવા, આર બદ્રી અને પંકજ ત્રિપાઠી પણ મહત્વની ભૂમિકામાં જોવા મળી રહ્યા છે. ફિલ્મમાં દીપિકા પાદુકોણે કપિલ દેવની પત્ની રોમી ભાટિયાનો રોલ કર્યો છે.