IPLIN
 

બોલિવૂડ / આ એક્ટરે લોકડાઉનમાં એક્ટ્રેસ રકુલપ્રીત પર દારૂ ખરીદવાનો લગાવ્યો આરોપ, એક્ટ્રેસે સામે આપ્યો જવાબ

Team VTV 08:15 PM, 08 May 20 | Updated: 08:48 PM, 08 May 20
Follow us
Rakul Preet Singh Buying Alchohol in lockdown actress give reply on false Accusation

દેશમાં 4 મેથી લોકડાઉનના ત્રીજા ચરણનો પ્રારંભ થયો હતો. કેન્દ્ર સરકારે જાહેરનામું બહાર પાડીને દેશના રેડ, ઓરેન્જ અને ગ્રીન ઝોનમાં કેટલીક ચીજવસ્તુઓને છૂટ આપી છે તો કેટલાકમાં અગાઉની જેમ પ્રતિબંધ યથાવત રાખ્યો છે. જ્યારે દેશના કેટલાક રાજ્યોમાં દારૂની દુકાનો પણ ખોલવાની મંજૂરી મળતાં જ ત્યારે લાઈનો લાગી ગઈ હતી. તો હવે બોલિવૂડ અભિનેત્રી રકુલ પ્રીત સિંહનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. જેમાં એક્ટ્રેસ દુકાનમાંથી કંઈક ખરીદીને જતાં જોવા મળી રહી છે.

  • હાલ દેશમાં લોકડાઉન છે
  • તો બોલિવૂડ એક્ટ્રેસ રકુલ પ્રીત પર લાગ્યો દારૂ ખરીદવાનો આરોપ
  • બોલિવૂડ એક્ટર કમાલ ખાને એક્ટ્રેસ પર સાધ્યું નિશાન
 
 
 
 
 
 
 
 
 
 
 
 
 

Today #selfie at #DUBAI #Home #garden

A post shared by KRK (@kamaalrkhan) on

તમને જણાવી દઈએ કે રકુલનો આ વીડિયો બોલિવૂડ એક્ટર અને પ્રોડ્યૂસર કમાલ આર ખાને શેર કર્યો છે અને પૂછ્યું-લોકડાઉનમાં રકુલ પ્રીત શું ખરીદી રહી હતી? આ રીતે કમાલ આર ખાને તેના પર સવાલ ઉઠાવ્યા હતા. જેના પર એક્ટ્રેસે જવાબ આપતા એક ટ્વિટ કર્યું છે જે ખૂબ જ વાયરલ થઈ રહ્યું છે. 

રકુલ પ્રીતે કમાલ ખાનના વીડિયો પર જવાબ આપતા લખ્યું- ઓહ વાહ, મને નહોતી ખબર કે મેડિકલ સ્ટોર્સ પર દારૂ પણ વેચી રહ્યાં હતા. આ રીતે રકુલ કમાલ ખાનને જવાબ આપ્યો હતો. એક્ટ્રેસના આ ટ્વિટ પર કમાલ ખાને રિએક્શન આપતા કહ્યું- મેડમ રકુલ પ્રીત મેં એવું નથી કહ્યું કે તમે દારૂ ખરીદ્યો છે. કૃપ્યા કરીને ટ્વિટ ફરી વાંચો. ટ્વિટર પર યુઝર્સ પણ ખૂબ પ્રતિક્રિયા આપી રહ્યાં છે. 

તમને જણાવી દઈએ કે, એક્ટ્રેસ રકુલ પ્રીતે કન્નડ ફિલ્મોથી એક્ટિંગ કરિયરની શરૂઆત કરી હતી. ત્યારબાદ તેણે તમિલ ફિલ્મો અને તેલૂગુ ફિલ્મોમાં પણ હાથ અજમાવ્યો હતો. જોકે, તેણે 2014માં બોલિવૂડમાં યારીયાં ફિલ્મથી ડેબ્યૂ કર્યું હતું. ત્યારબાદ તેણે અય્યારી અને  દે દે પ્યાર દે જેવી ફિલ્મોમાં પણ કામ કર્યું. આ સિવાય રકુલ સિદ્ધાર્થ મલ્હોત્રા સાથે મરજાવાં ફિલ્મમાં પણ જોવા મળી હતી. આવનારા દિવસોમાં પણ તે અનેક ફિલ્મોમાં જોવા મળશે. 

Rakul Preet Singh Alchohol lockdown actress reply Accusation Video viral KRK
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ