રાજ્યસભા / રાજ્યસભાની ચૂંટણી વચ્ચે હાર્દિક પટેલનું મોટું નિવેદન, કહ્યું ભાજપના નારાજ ધારાસભ્યો...

• રાજ્યસભાની ચૂંટણીને લઈ હાર્દિક પટેલનું મોટુ નિવેદન
• ભાજપના નારાજ ધારાસભ્યો અમારા સંપર્કમાં: હાર્દિક
• "ભાજપના વડોદરાના 3 અને સાબરકાંઠાના 1 ધારાસભ્ય સંપર્કમાં"

શું કહે છે હાર્દિક?

અમારા કોઈ ધારાસભ્યો તૂટવાના નથી. BTPના બંને ધારાસભ્યોના મત મળશે. ભાજપના નારાજ ધારાસભ્યો અમારા સંપર્કમાં છે. ભાજપના વડોદરાના અને સાબરકાંઠાના 1 ધારાસભ્ય સાથે સંપર્કમાં છે. BTP અને જીજ્ઞેશ મેવાણીનો મત પણ કોંગ્રેસના ઉમેદવારને મળશે. માત્ર એક ધારાસભ્યની જરૂર છે એ અંગે વાત ચાલુ છે. ભાજપના વડોદરાના 3 અને સાબરકાંઠાના 1 ધારાસભ્ય સાથે સંપર્કમાં છે. 

કોંગ્રેસના 8 ધારાસભ્યોએ રાજ્યસભા ઈલેક્શન પહેલા આપ્યા રાજીનામાં

1. મોરબીના ધારાસભ્ય બ્રિજેશ મેરજા
2. કપરાડાના ધારાસભ્ય જીતભાઈ ચૌધરી
3. કરજણના ધારાસભ્ય અક્ષય પટેલ
4. ધારીના ધારાસભ્ય જે.વી.કાકડિયા 
5. લીંબડીના ધારાસભ્ય સોમા પટેલ  
6. અબડાસાના ધારાસભ્ય પ્રદ્યુમનસિંહ જાડેજા 
7. ગઢડાના ધારાસભ્ય પ્રવિણ મારૂ  
8. ડાંગના ધારાસભ્ય મંગળ ગાવિત 

કોણ કોણ છે મેદાનમાં?

ગુજરાતમાં રાજ્યસભાની 4 બેઠકો માટે 19 જૂને ચૂંટણી  યોજાશે. સવારે 9 થી સાંજે ચાર વાગ્યા સુધી મતદાન થશે. ત્યાર બાદ સાંજે 5 વાગ્યે મતગણતરી યોજાશે. આ ચૂંટણીમાં કોંગ્રેસમાંથી શક્તિસિંહ ગોહિલ અને ભરતસિંહ સોલંકીને મેદાનમાં ઉતાર્યા છે. જ્યારે ભાજપ વતી અભય ભારદ્વાજ, રમીલાબેન બારા અને નરહરિ અમીને ઉમેદવારી નોંધાવી છે. આ પહેલા રાજ્યસભા ચૂંટણી 26 માર્ચ 2020ના રોજ યોજાવાની હતી. પરંતુ કોરોનાને કારણે ચૂંટણી મોકૂફ રાખવામાં આવી હતી