છેલ્લા કેટલાય દિવસોથી ગુજરાતમાં અસહ્ય ગરમી પડતા લોકો ત્રાહિમામ પોકારી ઉઠ્યા છે. ત્યારે રાજકોટમાં તાપમાનનો પારો ઉંચો જતા રેડ અલર્ટ જાહેર કરાયું છે.
રાજકોટમાં રવિવારે તાપમાનનો પારો 45 ડિગ્રીએ પહોંચતા મહાનગર પાલિકા દ્વારા રેડ અલર્ટ જાહેર કરવામાં આવ્યું છે. રાજકોટમાં ત્રણ દિવસ તાપમાન ઉંચુ રહેશે. જેથી મહાનગરપાલિકાના કમિશનરે લોકોને સાવચેત રહેવા સૂચન કર્યુ છે.
ઉલ્લેખનીય છે કે કેટલાય દિવસથી ગરમી વધુ પડી રહી છે તો ગરમીથી બચવા લોકો ઠંડા પીણાનો સહારો લઇ રહ્યા છે. સાથે કેટલાક લોકો સ્નોપાર્ક અને વોટરપાર્કની પણ મજા લઈ રહ્યા છે. જ્યારે બીજી તરફ હવામાન વિભાગે રાજકોટ સાથે સમગ્ર ગુજરાતમાં આગામી ત્રણ દિવસ માટે ઓરેન્જ અલર્ટ જાહેર કર્યુ છે.