મોરબી: માળીયા હાઇવે પર પૂંઠા ભરેલ આઇસર બની અગનગોળો જાનહાનિ ટળી

મોરબીના માળીયા હાઈવે પર આઈસર ટ્રકમાં આગ લાગવાની ઘટના સામે આવી છે. લક્ષ્મી નગર પાસે એકાએક ટ્રકમાં આગ લાગતા અફરા-તફરીનો માહોલ સર્જાયો હતો.

આગની ઝપેટમાં આવી જતાં આઈસર બળીને ખાખ થયુ છે. ટ્રકમાં આગ લાગતા સ્થાનિકોએ પાણીનો મારો ચલાવી આગ પર કાબૂ મેળવ્યો હતો. આ ઘટનામાં કોઈ જનહાનિ થઈ નથી.

આ ઘટના મામલે મળતી જાણકારી મુજબ મોરબી-માળીયા હાઇવે પર આવેલ લક્ષ્મીનગર પાસે આજરોજ વહેલી સવારે એક આઇસર ટ્રકમાં આગ લાગવાની ઘટના બનતા અફરાતફરી મચી જવા પામી હતી. પૂઠ્ઠા ભરેલા ટ્રકમાં અચાનક આગ ભભૂકી ઉઠતા ચાલકનો જીવ પડીકે બંધાયો હતો અને તે સાવચેતીના ભાગરૂપે નીચે ઉતરી જતાં કોઇ જાનહાનિ થવા પામી નહોંતી.

આ ઘટનાની જાણ નજીકના ફાયર વિભાગને થતાં જ તેઓ તાત્કાલિક અસરથી ઘટના સ્થળે આવી પહોંચ્યા હતા અને પાણીનો મારો ચલાવ્યો હતો. જો કે આગ પ્રમાણમાં વધારે હોવાથી આઇસરમાં રાખવામાં આવેલ પૂઠ્ઠા બળીને ખાખ થઇ જવા પામ્યા હતા.